Accident Viral Video: सोशल मीडियाला व्हायरल व्हिडीओचं व्यासपीठ मानलं जातं. सोशल मीडियावर आपल्याला अनेकदा धक्कादायक व्हिडिओ पाहायला मिळतात. यातील काही व्हिडीओ हे मजेशीर, तर काही थक्क करणारे असतात. आपण जेव्हा कधी रस्ता ओलांडतो, तेव्हा इकडे-तिकडे बघून जातो. पण लहान मुलांना त्याची कल्पना नसते. मुले काहीही न पाहता थेट रस्ता ओलांडण्याचा प्रयत्न करतात. अनेकदा यामुळे अपघातही होतात. (Latest Marathi News)

सोशल मीडियावर असे अनेक व्हिडिओ (Viral Video) आहेत, जे पाहून काळजाचा थरकाप उडतो. असाच एक व्हिडीओ सध्या सोशल मीडियावर जोरदार व्हायरल होत आहे. यामध्ये एक मुलगा रस्ता ओलांडताना चमत्कारिकरित्या बचावला आहे. हा व्हिडीओ पाहून अनेकांच्या पायाखालची जमीनच सरकली आहे.

व्हायरल व्हिडीओमध्ये काय आहे?

व्हायरल झालेला व्हिडीओ एका सिग्नलवरील आहे. व्हिडीओत भरधाव वेगात वाहने रस्त्यावरून जाताना दिसत आहे. त्याचवेळी एक मुलगा इकडे-तिकडे न बघता थेट सिग्नलवरून पळत सुटतो. रस्ता क्रॉस करताना अचानक तो एका हार्वेस्टरसमोर येतो. काही कळण्याच्या आतच हार्वेस्टर या मुलाच्या अंगावरून जाते.

अचानक घडलेल्या या घटनेमुळे रस्त्यावरील लोकांच्या काळजाचा थरकाप उडतो. रस्त्याच्या कडेला उभे असलेले इतर व्यक्ती या घटनेनं स्तब्ध होतात. मात्र, देव तारी त्याला कोण मारी असाच प्रत्यय या व्हिडीओतून येतो. चमत्कारिक बाब म्हणजे हार्वेस्टर अंगावरून जाऊन सुद्धा हा मुलगा बचावला. त्याला साधं खरचटलं सुद्धा नाही. (Breaking Marathi News)

काळजाचा ठोका चुकवणारी ही घटना सिग्नलवरील सीसीटीव्ही कॅमेऱ्यात कैद झाली आहे. मुलगा थोडक्यात बचावल्याने एक महिला आणि पुरूष या मुलाला मिठी मारताना दिसत आहे. हा व्हिडिओ चीनमधील असल्याचं सांगितलं जातंय. व्हिडीओ पाहून अनेकांनी यावर प्रतिक्रिया दिल्या आहेत.

Edited by - Satish Daud