संतोष शाळीग्राम (नवी दिल्ली)

नवी दिल्ली: दिल्लीतील रोहिणी कोर्टातून (Rohini Court) एक मोठी बातमी समोर येत आहे. कोर्ट रूम नंबर 102 मध्ये स्फोट झाल्याने खळबळ उडाली आहे. अग्निशमन दल आणि पोलीस घटनास्थळी पोहोचले आहेत. लॅपटॉपमुळे हा स्फोट झाला असावा, असे काही लोकांचे म्हणणे आहे. तपासासाठी केबिनभोवती सुरक्षा व्यवस्था वाढवण्यात आली आहे. अग्निशमन दलाच्या म्हणण्यानुसार, त्यांना सकाळी 10:40 वाजता स्फोटाचा कॉल आला. त्यानंतर 6 वाहने घटनास्थळी पाठवण्यात आली.

दोन जण जखमी झाल्याची माहिती. अग्निशमन दलाच्या 6 गाड्या घटनास्थळी दाखल झाल्या आहेत. रोहिणी जिल्ह्याचे डीसीपी आणि एसीपी आरती शर्मा रोहिणी कोर्टात पोहोचले आहेत. या स्फोटामुळे जमिनीत मोठा खड्डा पडला आहे. पण हा स्फोट कशामुळे झाला याची अद्याप माहिती मिळू शकली नाही.

तर, स्फोटाच्या प्रकाराचा तपास सुरू आहे. सध्या न्यायालयात सुरू असलेल्या सर्व खटल्याची सुनावणी थांबवण्यात आली आहे. दिल्ली पोलिसांनी घटनास्थळाला घेरून आपली सुरक्षा वाढवली आहे. दिल्ली पोलिसांचे वरिष्ठ अधिकारी घटनास्थळी हजर आहेत. पोलिसांनी याबाबत अद्याप कोणतेही अधिकृत वक्तव्य दिलेले नाही.

या घटनेनंतर रोहिणी न्यायालय परिसरात एकच गोंधळ उडाला. प्रत्येकजण जिथे हजर होता तिथून सुरक्षित ठिकाणी पोहोचण्याचा प्रयत्न करत होते. या स्फोटात दोन जण जखमी झाल्याची माहिती मिळत आहे.