गोवा: गोव्यात दणदणीत विजय (Goa Assembly Elections) मिळवल्यानंतर भाजपने पत्रकार परिषद घेतली. मुख्यमंत्री प्रमोद सावंत, विरोधीपक्ष नेते देवेंद्र फडणवीस (Devendra Fadnavis) हे या पत्रकार परिषदेला उपस्थित होते. प्रमोद सावंतानी (Pramod Sawant) गोव्याच्या जनतेचे आभार मानले. गोव्याची जनता आम्हाला निवडून आणेल हा विश्वास आम्हाला होता असंही ते म्हणाले. तसेच, पंतप्रधान नरेंद्र मोदी, गृहमंत्री अमित शाह आणि देवेंद्र फडणवीस यांचे आभार मानले. (BJP's resounding success in Goa, thanks to Modi and Fadnavis from Pramod Sawant)

हे देखील पहा -

पंतप्रधान नरेंद्र मोदी यांच्या आत्मनिर्भर भारताला आम्ही स्वयोपूर्ण गोवा मध्ये कन्व्हर्ट करत ही योजना लोकांपर्यंत पोहोचवली. याचा फायदा आम्हाला झाला. जनतेने पुन्हा एकदा 20 जणांना निवडून आणले आहे. 2012 मध्ये युतीमध्ये आम्हाला 21 जागा मिळाल्या होत्या. यावेळी युतीशिवाय आम्हाला स्वबळावर 20 जागा जिंकता आल्या आहेत. इतकंच नाही तर मतांची टक्केवारीही वाढली आहे. गेल्या निवडणुकीत व्होटिंग शेअर परसेन्टेज 32 होता, यावेळी तो 34.3 टक्क्यांवर पोहोचला आहे.

Edited By - Nupur Uppal