पश्चिम बंगालच्या पुरुलिया जिल्ह्यात भाजप कार्यकर्त्याचा संशयास्पद मृत्यू झाल्याची घटना घडली आहे. मुफस्सिल पोलीस स्टेशनच्या हद्दीतील कनाली गावात शुक्रवारी सकाळी भाजप कार्यकर्त्याचा मृतदेह सापडला. हाबूलाल गोप असे ४५ वर्षीय कार्यकर्त्याचे नाव आहे. हाबूलाल हा आडषा पोलीस स्टेशनच्या हद्दीत असलेल्या बेलडी गावाचा रहिवासी होता. हाबूलाल हा भाजपचा सक्रिय कार्यकर्ता होता.

नातेवाईकांच्या माहितीनुसार, हाबूलाल गुरुवार एका लग्नानिमित्त घरातून निघाला. घरातून लग्नाला निघालेला हाबूलाल घरी परतलाच नाही. त्यानंतर दुसऱ्या दिवशी हाबूलालचा मृतदेह सापडला. या घटनेची माहिती मिळताच पोलीस घटनास्थळी पोहोचले. पोलिसांनी हाबूलालचा मृतदेह ताब्यात घेऊन पोस्टमार्टमसाठी शासकीय मेडिकल कॉलेजमध्ये पाठवला. हाबूलालची हत्या करण्यात आल्याचा आरोप नातेवाईकांनी आरोप केला आहे.

सूत्रांनी दिलेल्या माहितीनुसार, हाबूलाल हे शुक्रवारी सायंकाळी पावसामुळे कनाली गावाच्या दुकानावर थांबले. त्यांच्यासोबत त्यांचा भाचा होता. ते दुकानावरून अचानक बेपत्ता झाले. त्यामुळे भाच्याने मामा हाबूललालला शोधण्यास सुरुवात केली. काही तास शोधल्यानंतरही भाचा घरी गेला. त्यानंतर सकाळी हाबूलालचा मृतदेह गावात एका रस्त्याच्या किनाऱ्यावर सापडला.

कुटुंबातील हाबूलाल गोप याच्या शरीरावर जखमा आढळल्या आहेत. त्यांच्या चेहरा, छाती, पोटावर निळ्या रंगाच्या खुणा आहेत. हाबूलाल राजकारणात सक्रिय असल्याने लक्ष्य करण्यात आल्याचा आरोप कुटुंबीयांनी केला आहे. बेदम मारहाण करून हत्या केल्याचाही आरोप केला आहे. पोलिसांनी या प्रकरणाचा तपास सुरू केला आहे.

पोलीस सध्या पोस्टमार्टम रिपोर्टच्या प्रतिक्षेत आहेत. पश्चिम बंगालमध्ये काही दिवसांपूर्वी मुख्यमंत्री सुवेंदू अधिकारी यांचे पीए चंद्रकांत रथ यांची गोळ्या झाडून हत्या करण्यात आली होती. त्यानंतर ही घटना घडल्याने राजकीय वर्तुळात खळबळ उडाली आहे.