राहुल गांधी व्होट चोरी आणि लडाखमधील हिंसाचाराच्या मुद्द्यावर मोदी सरकारविरोधात आक्रमक झालेत.. त्यातच आता भाजप प्रवक्त्याने थेट लाईव्ह टीव्ही डिबेटमध्येच राहुल गांधींच्या छातीत गोळी घालून जीवे मारण्याची धमकी दिलीय.. त्यामुळे देशात एकच खळबळ उडालीय.. मात्र टीव्ही डिबेट शोमध्ये नेमकं काय घडलं?

लडाखमधील हिंसाचार आणि निषेध प्रदर्शनांवर मल्याळम वृत्तवाहिनीवर चर्चा

लडाखमधील परिस्थितीला भाजप आणि RSS जबाबदार असल्याचा काँग्रेसचा

काँग्रेसच्या आरोपाने भाजप प्रवक्ता दुखावला

राहुल गांधीं असेच वागत राहिल्यास छातीत गोळी घालणार, भाजप प्रवक्ता पिंटू महादेवनची धमकी

भाजप प्रवक्त्याने अत्यंत विखारी वक्तव्य केल्यानंतर काँग्रेस आक्रमक झालीय.. तर के सी वेणूगोपाल यांनी अमित शाहांना पत्र लिहून भाजप प्रवक्ता पिंटू महादेवनवर कारवाईची मागणी केलीय.. तर राहुल गांधींच्या केसालाही हात लावण्याची हिंमत भाजपमध्ये नसल्याचा पलटवार काँग्रेसने केलाय..

खरंतर 1984 मध्ये इंदिरा गांधी पंतप्रधान असताना त्यांच्या बॉडीगार्डनेच त्यांची गोळ्या झाडून हत्या केली... तर 1991 मध्ये तामिळनाडूच्या पेरंबुदुरमध्ये LTTE या दहशतवादी संघटनेनं आत्मघातकी बॉम्बने राजीव गांधींची हत्या केली.. त्यानंतर एकूणच गांधी कुटुंबाची सुरक्षा व्यवस्था वाढवण्यात आली होती. मात्र आता पुन्हा एकदा राहुल गांधींना जीवे मारण्याची भाषा जाहीरपणे वापपली जातेय आणि तीही सत्ताधारी भाजप प्रवक्त्याकडून.. त्यामुळे अशी जहाल आणि विखारी भाषा वापरणाऱ्या प्रवक्त्यांवर नेमकी काय कठोर कारवाई होणार...? याकडे देशाचं लक्ष लागलंय..