Bihar Election update : बिहार निवडणुकीसाठी भाजपने उमेदवारांची दुसरी यादी जाहीर केली आहे. दुसऱ्या यादीत भाजपच्या १२ उमेदवारांचा समावेश आहे. या यादीत दोन प्रमुख नावांचा समावेश असल्याचं पाहायला मिळालं.

दुसऱ्या यादीत गायिका मैथिली ठाकूर यांना अलीनगर आणि माजी पोलीस अधिकारी आनंद मिश्रा यांना बक्सर येथून उमेदवारी मिळाली आहे. भाजपचे राष्ट्रीय महासचिव आणि मुख्यालय प्रभारी यांनी १२ उमेदवारांची यादी जाहीर केली आहे. तर छोटी कुमारी यांना छपरा येथून उमेदवारी देण्यात आली आहे.

राम चंद्र प्रसाद यांना हायाघाट, रंजन कुमार यांना मुजप्फरपूर, सुभाष सिंह यांना गोपालगंज, केदारनाथ सिंह यांना बनियापूर तिकीट मिळालं आहे. विनय कुमार सिंह यांना सोनपूर, वीरेंद्र कुमार यांना रोसडा डा. सियाराम सिंह यांना बाढ, महेश पासवान यांना अगिआंव, राकेश ओझा यांना शाहपूर, माजी आयपीएस आनंद मिश्रा यांना बक्सर येथून उमेदवारी मिळाली आहे.

भाजपच्या पहिल्या यादीत ७१ उमेदवारांचा समावेश होता. तर दुसऱ्या यादीत १२ उमेदवारांचा समावेश आहे. भाजपने एकूण ८३ उमेदवारांची यादी जाहीर करण्यात आली आहे. भाजपने मैथिली यांना अलीनगर विधानसभा मतदारसंघातून उमेदवारी दिली आहे. अलीनगर विधानसभा मतदारसंघ महत्वाचा मानला जातो. दरभंगा जिल्ह्यातील अलीनगर विधानसभा मतदारसंघ महत्वाचा मानला जातो. सर्वसाधारण गटासाठी हा मतदारसंघ आहे. २००८ सालानंतर या मतदारसंघ अस्तित्वात आला.

२०२० च्या निवडणुकीत व्हीआयपीच्या मिश्री लाल यादव यांनी आरजेडी यांच्या विनोद मिश्रा यांचा पराभव केला होता. मिश्री लाल यांना ६१०८२ मते मिळाले होते. तर विनोद मिश्रा हे ५७९८१ मते मिळाली होती. या व्यतिरिक्त २०१० आणि २०१५ निवडणुकीत आरजेडीने जिंकल्या होत्या. अब्दुल बारी सिद्दीकी यांनी दोन वेळा निवडणूक जिंकली होती. या मतदारसंघात २०१० साली पहिल्यांदा निवडणूक झाली होती.