आज तीन विधानसभा निवडणुकांसाठी मतदान प्रक्रिया पार पडत आहे. गोव्यात ४० जागांसाठी (Goa), उत्तराखंडमध्ये (Uttarakhand) ७० जागांसाठी, तर उत्तर प्रदेशमध्ये (Uttar Pradesh) दुसऱ्या टप्प्यातील ५५ जागांसाठी मतदान सुरु आहे. गोवा लहान राज्य आहे. पण, या निवडणुकीत अनेक पक्षांनी उडी घेतल्याने निवडणूक चुरशीची बनली आहे.

गोव्याच्या मुख्यमंत्र्यांना पंतप्रधान मोदींच्या शुभेच्छा

पंतप्रधान मोदी यांनी मला पहाटे फोन करून शुभेच्छा दिल्या. गोव्यात पुन्हा भाजपचे सरकार स्थापन होईल, अशी आशा आहे. मला खात्री आहे की यावेळी आम्हाला 22 पेक्षा जास्त जागा मिळतील. यावेळीही लोक भाजपलाच मतदान करतील. भाजपने 10 वर्षात पायाभूत सुविधांचा विकास केला आणि पंतप्रधान मोदींच्या कार्याचा शंभर टक्के बहुमत मिळविण्यासाठी नक्कीच फायदा होईल, असे गोव्याचे मुख्यमंत्री प्रमोद सावंत म्हणाले.

गाेवा राज्यात विधानसभा निवडणुकीसाठी आज सकाळपासून मतदानास उत्साहात प्रारंभ झाला आहे. या राज्यात ४० जागांसाठी मतदान हाेत आहे. सकाळी सात वाजल्याच्या आधीपासूनच मतदारांनी मतदान केंद्रावर आपला हक्क बजावण्यासाठी रांगेत उभं राहण्यास प्रारंभ केला.

Edited By - Shivani Tichkule