प्रवाशांनी खचाखच भरलेल्या रिक्षाला अज्ञात वाहनाने जोरदार धडक दिली. ही धडक इतकी भीषण होती, की यामध्ये ८ जणांचा जागीच मृत्यू झाला. तर ७ प्रवासी गंभीर जखमी झाले. अंगाचा थरकाप उडवणारी ही घटना बिहारमधील लखीसराय जिल्ह्यात मंगळवारी (२० फेब्रुवारी) रात्रीच्या सुमारास घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
अपघाताची माहिती मिळताच पोलिसांनी (Police) तातडीने घटनास्थळी धाव घेतली. जखमींना उपचारासाठी रुग्णालयात दाखल करण्यात आलंय. काहींची प्रकृती चिंताजनक असल्याचं सांगितलं जातंय. या घटनेनं परिसरातून मोठी हळहळ व्यक्त होत आहे.
बिहार पोलिसांनी दिलेल्या माहितीनुसार, अपघातग्रस्त रिक्षामधून १५ प्रवासी प्रवास करीत होते. मंगळवारी रात्री लखीसराय-सिकंदरा मुख्य रस्त्यावरील बिहारौरा गावाजवळ रिक्षा आली असता, अज्ञात वाहनाने समोरून जोरदार धडक दिली. (Latest Marathi News)
हा अपघात इतका भीषण होता, की रिक्षाचा अक्षरश: चक्काचूर झाला. या घटनेत ८ जणांचा जागीच मृत्यू झाला. अपघातानंतर महामार्गावर वाहनांची मोठी गर्दी झाली होती. पोलिसांनी घटनास्थळी दाखल होत बचावकार्य केले. सध्या मृतांची ओळख पटवणे सुरू आहे.
पोलीस मयताच्या मोबाईल क्रमांकाच्या आधारे त्याच्या कुटुंबीयांना माहिती देऊन त्याचा शोध घेण्याचा प्रयत्न करत आहेत. दरम्यान, काही जखमींची ओळख पटली आहे. रिक्षाला नेमकी कोणत्या वाहनाने धडक दिली. याचा शोध पोलिसांनी सुरू केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.