Badrinath Helicopter Crash : उत्तराखंडमधील बद्रीनाथहून डेहराडूनच्या दिशेने निघालेले हेलिकॉप्टर अचानक रडारवरून गायब झाले आहे. हे हेलिकॉप्टर क्रॅश झाल्याची माहिती समोर आले आहे. या दुर्घटनेत पायलटसह ६ जणांचा मृत्यू झाला आहे. खराब हवामानामुळे हे हेलिकॉप्टर कोसळल्याचं रिपोर्ट्सनुसार सांगण्यात येत आहे. (Badrinath to Dehradun helicopter crash latest news)

स्थानिक माध्यमांच्या वृत्तानुसार ट्रान्स भारत एव्हिएशनचे VT-HCX हे हेलिकॉप्टर शुक्रवारी दुपारी १:१२ वाजता बद्रीनाथहून डेहराडूनसाठी निघाले होते. त्यानंतर थोड्याच वेळात ते बेपत्ता झाले. मुख्यमंत्री पुष्कर सिंह धामी यांनी ट्विटरवरील एका पोस्टमध्ये या अपघाताला दुजोरा दिला. धामी यांनी अपघाताविषयी लिहिले की, "बचावकार्य सुरू करण्यात आले आहे."

मिळालेल्या माहितीनुसार, बद्रीनाथ मंदिराहून परतणारे हेलिकॉप्टर जोशीमठ परिसरात अचानक बेपत्ता झाले. मिळालेल्या माहितीनुसार, हे हेलिकॉप्टर बद्रीनाथहून उड्डाण करून परत येत होते. दरम्यान, जोशीमठच्या मारवाडी भागाजवळील चाय गावाच्या टेकडीजवळ हेलिकॉप्टरशी संपर्क तुटला. हेलिकॉप्टर कोसळल्याची भीती व्यक्त केली जात आहे. चमोलीचे अतिरिक्त जिल्हाधिकारी विवेक प्रकाश यांनी सांगितले की, घटनेची माहिती मिळताच घटनास्थळी एक प्रशासकीय पथक पाठवण्यात आले आहे. हेलिकॉप्टरचा शोध घेण्यासाठी परिसरात शोध आणि बचाव कार्य सुरू आहे.