अयोध्येतील राममंदिरावर भगवा ध्वज फडकवण्यात आलाय... या ध्वजाचं नेमकं वैशिष्ट्य काय आहे? रामभक्तांसाठी ध्वजारोहणाचा दिवस ऐतिहासिक का ठरला? पाहूयात या स्पेशल रिपोर्टमधून...

अयोध्येचं राम मंदिर आता सर्वार्थानं पूर्ण झालंय... विवाह पंचमीच्या उत्सवानिमित्त रामललाच्या शिखरावर ध्वजारोहण संपन्न झालंय.. पंतप्रधान नरेंद्र मोदी आणि सरसंघचालक मोहन भागवत यांनी एकत्रितपणे नमस्काराच्या आकारातील चिन्ह फिरवून भगवा ध्वज आरोहित केला.. बरोब्बर ठरलेल्या मुहुर्तावर म्हणजे 11 वाजून 50 मिनिटांनी ध्वजारोहण करण्यात आलंय. यावेळी मोदींनी देशवासियांना संबोधून ध्वजाबाबतच्या आपल्या भावना व्यक्त केल्या.

या ध्वजाचं काय वैशिष्ट्यं आहे ते पाहूयात....

शिखरावरील ध्वज खराब होऊ नये, यासाठी पॅराशूट फॅब्रिक आणि रेशमाच्या धाग्यांपासून ध्वजाची निर्मिती केलीय...हा ध्वज 22 फूट लांब आणि 11 फूट रुंद असेल... मंदिराच्या शिखरावर 42 फूट उंच ध्वजस्तंभावर हा ध्वज फडकवण्यात आलाय. ध्वजस्तंभ 360 अंश फिरणाऱ्या चेंबरवर बसवण्यात आलाय.. या ध्वजावर ओम, सूर्य आणि कोविदार म्हणजे कांचन वृक्ष अशी तीन चिन्ह आहेत.

या समारोहासाठी देशभरातून 8 हजार निमंत्रितांना अयोध्येत आमंत्रण दिलं गेलं होतं. मोदींनी ध्वजारोहणापुर्वी अयोध्येच्या मंदिरासमोरील राजमार्गावरून रोड शो केला.. त्यानंतर मोदींच्या हस्ते मंदिरावरचा भगवा ध्वज फडकवण्यात आला. त्यामुळे रामभक्तांसाठी हा दिवस ऐतिहासिक ठरला.