रामलल्लांच्या प्राणप्रतिष्ठेनंतर अयोध्येत भाविकांचा महासागर उसळला आहे. पहिल्या आणि दुसऱ्या दिवशी जवळपास अडीच लाखांहून अधिक भाविकांनी प्रभू श्रीरामाचं दर्शन घेतलंय. त्याचबरोबर रामाच्या चरणी भरभरून दान देखील दिलं आहे. त्यामुळे मंदिराच्या तिजोरीत कोट्यवधी रुपयांची देणगी जमा झाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
प्राप्त माहितीनुसार, पहिल्या दोन दिवसांतच राम मंदिराच्या (Ram Mandir) तिजोरीत तब्बल ३.१७ कोटी रुपये जमा झाले आहेत. भाविकांनी दान पेटीत तसेच ऑनलाइन देणगी दिली आहे. यासाठी भाविकांना मोठी कसरत देखील करावी लागली. प्रचंड गर्दी असूनही भाविकांनी संयम दाखवत तासनतास रांगेत उभे राहून दान अर्पण केले.
अयोध्येत भव्य दिव्य राम मंदिर उभारण्यात यावं, अशी रामभक्तांची इच्छा होती. यासाठी त्यांना अनेक दशके वाट पाहावी लागली. मात्र, सोमवारी (२२ जानेवारी) रामभक्तांची इच्छा पूर्ण झाली. अयोध्येत रामललाचं भव्य मंदिर उभारल्यानंतर पंतप्रधान नरेंद्र मोदी यांच्या हस्ते प्राणप्रतिष्ठा सोहळा संपन्न झाला. (Latest Marathi News)
यानिमित्ताने देशभरात दिवाळी साजरी झाली. गावागावात, शहरा-शहरात आणि महानगरातही उत्साह आणि आनंदात अयोध्येतील सोहळ्याचा उत्सव साजरा करण्यात आला.देशाच्या कानाकोपऱ्यातून आलेल्या लाखो भाविकांच्या रामभक्तीचा मेळा शरयूतीरी जमला होता.
दरम्यान, राम मंदिर दर्शनासाठी खुलं करण्यात आल्यानंतर अयोध्येत मोठी गर्दी पाहायला मिळाली. पहिल्या आणि दुसऱ्या दिवशी भाविकांचा महासागर उसळला होता. अजूनही अनेक भाविक रामलल्लाच्या दर्शनासाठी अयोध्येत दाखल होत अजून यानिमित्ताने तिजोरीत मोठी भर पडण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.