नवी दिल्ली : दिल्लीतील आम आदमी पक्षाचे (AAP) नेते आरोग्य मंत्री सत्येंद्र जैन यांच्यावर अंमलबजावणी संचालनालयाने (ED) मोठी कारवाई केली आहे. एका जुन्या प्रकरणात मनी लाँड्रिंग प्रकरणात सीबीआयने ही कारवाई केली आहे. त्यांच्यावर बेहिशोबी मालमत्ता असल्याचा आरोप आहे. केजरीवाल सरकारमधील मंत्री सत्येंद्र जैन (Satyendra Jain) आणि त्यांच्या कुटुंबीयांच्या सुमारे 5 कोटी स्थावर मालमत्ता तात्पुरत्या स्वरूपात जप्त करण्यात आल्या आहेत.

सीबीआयने (CBI) ऑगस्ट २०१७ मध्ये गुन्हा नोंदवला होता आणि नंतर हे प्रकरण ईडीकडे (ED) दिले होते. सत्येंद्र जैन हे आम आदमी पक्षाचे नेते आहेत. त्यांच्याकडे दिल्ली सरकारमधील आरोग्य, ऊर्जा, गृह, सार्वजनिक बांधकाम विभाग, उद्योग, शहरी विकास, पूर, पाटबंधारे आणि जल विभाग आहेत.

जैन यांनी २०१८ च्या अगोदर पाच वर्षांत दिल्लीतील शेतजमीन आपल्या नियंत्रित कंपन्यांच्या नावावर खरेदी केली होती. या कंपन्यांमध्ये जैन एकतर संचालक होते किंवा या कंपन्यांचे एकतृतीयांश समभाग स्वत:च्या नावावर किंवा त्यांच्या कुटुंबातील सदस्यांच्या किंवा इतरांच्या नावावर असल्याचा आरोप करण्यात आला होता. दिल्लीतील औचंडी, बवाना, कराला आणि मोहम्मद मजवी गावात जमीन खरेदी करण्यासाठी या पैशांचा वापर करण्यात आला होता.असा दावा सीबीआयने (CBI) केला आहे.

Edited By- Santosh Kanmuse