काबूल विमानतळावरील हल्ल्याचा अमेरिकेने अवघ्या 48 तासांच्या आत बदला घेतला आहे. अफगाणिस्तानात अमेरिकन लष्कराने हल्ल्यातील गुन्हेगारांवर मोठी कारवाई केली आहे. लष्कराने अफगाणिस्तानातील इसिस-के तळांवर ड्रोन हल्ला केला आहे. काबूल विमानतळावर झालेल्या हल्ल्यात 13 अमेरिकन सैनिक ठार झाले होते. यासोबतच अमेरिकेने लोकांना काबूल विमानतळाचे गेट लवकरात लवकर सोडण्यास सांगितले आहे.

अमेरिकेच्या अधिकाऱ्यांनी सांगितले शनिवारी सकाळी अमेरिकेच्या ड्रोन हल्ल्यात काबूल विमानतळावर झालेल्या आत्मघाती बॉम्बस्फोटासाठी जबाबदार असलेल्या एका दहशतवाद्याला ठार करण्यात आले. अमेरिकेच्या सेंट्रल कमांडने सांगितले की, पूर्व अफगाणिस्तानमध्ये झालेल्या हल्ल्यात इसिस-के चा एक दहशतवादी ठार झाला आहे.

अमेरिकेचे अध्यक्ष जो बायडन यांनी गुरुवारी झालेल्या आत्मघाती बॉम्बस्फोटांसाठी इस्लामिक स्टेटला जबाबदार धरले. कडक सुरक्षेच्या दरम्यान अमेरिकन सैन्य अफगाणिस्तानातून लोकांना बाहेर काढण्यात गुंतले आहेत.

Edited By: Pravin Dhamale