Almora Bus Accident: उत्तरखंडमधील अल्मोड येथे मोठी दुर्घटना घडली आहे. ३५ प्रवाशांना घेऊन जाणारी बस दरीत कोसळली आहे. या अपघातामध्ये २५ जणांचा मृत्यू झाल्याचं वृत्त आहे. अपघाताची माहिती मिळताच बचाव पथकं आणि पोलिसांचे पथक घटनास्थळी दाखल झाले. सध्या बचावकार्य वेगाने सुरु आहे.

अल्मोडामध्ये मार्चुला जवळ दरीमध्ये प्रवासी बस कोसळली. या अपघातामध्ये अनेकांचा मृत्यू झाल्याचं समजतेय. या बसमध्ये ३५ जण प्रवास करत होते. घटनास्थळावर सध्या बचावकार्य वेगात सुरु आहे. एनडीआरएफचे पथकही घटनास्थळी दाखल झालेय.

मिळालेल्या माहितीनुसार, नैनी डांडा येथून बस रामनगरकडे जात होती. चालकाला अंदाज न आल्यामुळे सकाळी बस दरीत कोसळली. गीत जागीर नदीच्या किनाऱ्याला बस दरीत कोसळल्यामुळे अनेकजणांचा मृत्यू झाल्याचे वृत्त आहे. मिळालेल्या माहितीनुसार, आतापर्यंत २५ जणांचा मृत्यू झाल्याचे समोर आलेय. ५ जणांच्या मृत्यूची अधिकृत माहिती समोर आलेली आहे. या अपघातामध्ये काहीजण जखमीही झाले आहेत.

४२ आसनी बसमध्ये ३५ पेक्षा अधिक प्रवासी होते. बस दरीत कोसळल्याची घटना सकाळी घडली. या अपघातानंतर काही प्रवासी स्वतः बसमधून बाहेर आले. काही लोक बिथरून खाली पडले. या अपघातमध्ये जखमी झालेल्या प्रवाशांनी या दुर्घटनेची माहिती दिली. सध्या घटनास्थळी मदत आणि बचाव कार्य सुरू आहे. जखमींना रुग्णालयात दाखल करण्यात आलेय.