Kabul Mosque Blast : अफगाणिस्तान पुन्हा एकदा स्फोटाने हादरलं आहे. काबुल येथील एका मशिदीत बुधवारी बॉम्बस्फोट झाला. यामध्ये २१ जणांचा मृत्यू झाला तर ६० हून अधिकजण जखमी झाले आहेत. जखमी झालेल्यांपैकी २७ जणांची प्रकृती चिंताजनक असल्याची माहिती आहे. यामध्ये ५ लहान मुलांचा देखील समावेश आहे.

प्राप्त माहितीनुसार, सर-ए-कोटल खैरखाना येथे हा स्फोट झाला आहे. काबूलच्या सुरक्षा विभाग खालिद जरदान यांनी स्फोटाला दुजोरा दिला आहे. सध्या सुरक्षा दल स्फोटाच्या ठिकाणी पोहोचले आहे. या बॉम्बस्फोटाची जबाबदारी अद्याप कोणत्याही संघटनेनं घेतली नाही.

गुरूवारी काबूलच्या मशिदीत बॉम्बस्फोट झाला. या घटनेत तब्बल २१ जणांचा मृत्यू झाला तर ६० हून अधिकजण जखमी झालेत. जेव्हा हा स्फोट झाला त्यावेळी मशिदीत काही लोक नमाज पठण करत होते.

अचानक बॉम्बस्फोट झाल्यानंतर लोकांमध्ये भीतीचं वातावरण झालं.अनेक लोक सैरावैरा पळू लागले. त्यामुळे अनेकजण जखमी झाले. जखमींना तात्काळ रुग्णालयात दाखल केले. जखमींवर रुग्णालयात उपचार सुरु आहेत. काही जणांची प्रकृती चिंताजनक असल्याचं बोललं जातेय.

Edited By - Satish Daud