CCTV Video : मृत्यू कुणाला कुठे गाठेल याचा काही नेम नाही. धावपळीच्या जगात तर अनेक अपघात होतात, ज्यात अनेकांना आपले जीव गमावावे लागतात. मात्र अनेकदा काहीही चूक नसताना काहींना जीव गमवावा लागतो. असाच एक अपघाताचा व्हिडीओ समोर आला आहे.

व्हायरल व्हिडीओमध्ये जे दिसतंय त्यानुसार, एक व्यक्ती सलूनमध्ये बसून आपल्या नंबरची वाट पाहत आहे. दरम्यान सलूनचा मालक एका ग्राहकाचे केस कापत आहे. पण अचानक एक वेगवान कार सलूनमध्ये शिरते आणि काही सेकंदात लोकांना उडवून देते. (Latest news)

व्हिडिओ पाहून तुम्हाला अंदाज येईल पुढे काय झाले असेल. ही संपूर्ण घटना सलूनमध्ये लावण्यात आलेल्या सीसीटीव्ही कॅमेऱ्यात कैद झाली आहे.

कार दुकानाकडे येत असताना लोक पाहत होते. त्यानंतर काही ग्राहक पटकन उठतात आणि कोपऱ्यात सरकतात. मात्र बेंचवर बसलेल्या ग्राहकाला हालचाल करण्यासाठी देखील वेळ मिळत नाही. तेवढ्यात कार सुसाट वेगाने सलूनमध्ये शिरते आणि बेंचवर बसलेली व्यक्तीला धडकते. हा व्हिडिओ @ViciousVideosने ट्विटरवर शेअर केला आहे.