Viral News: अफ्रिकेतील युगांडा येथे एक काळजाचा थरकाप उडवणारी घटना घडली आहे. एका २ वर्षांच्या चिमुकल्याला पाणघोड्याने जिवंत गिळलं आणि नंतर मुलाला थुंकून दिलं आहे. या धक्कादायक घटनेत चिमुकला सुखरूप आहे. पाणघोड्याने त्याला गिळल्यावर तिथे उपस्थित एका व्यक्तीने पाणघोड्याला दगडं (Stone) मारायला सुरूवात केली. त्यामुळे त्याने लहान मुलाला थुंकून दिले. (Latest Marathi News)

समोर आलेल्या माहितीनुसार, युगांडातील कॅटवे काबातोहो शहरात असलेल्या तलावाजवळ (Lake) ही घटना घडली आहे. सदर लहान मुलगा याच तलावाजवळ राहतो. आई घरात असताना तो खेळता खेळता तलावाजवळ आला. पाणघोडा देखील तिथेच होता. त्याला भूक लागल्याने त्याने चिमुकल्याला खाल्ले. लहान मुलाला पाणघोडा गिळत आहे हे पाहून एका व्यक्तीने पाणघोड्याला दगड मारल्याने २ वर्षांच्या चिमुकल्याला जीवनदान मिळाले आहे.

क्रिस्पास बॅगोन्झा असे मुलाचा जीव वाचवलेल्या व्यक्तीचे नाव आहे. या घटनेनंतर मुलाला लगेच बवेरा शहरातील रुग्णालयात दाखल केले. सोशल मीडियावर @gorillasights या ट्विटर अकाऊंटवर या मुलाचे फोटो शेअर करण्यात आले आहेत. सध्या सोशल मीडियावर २ वर्षांचा चिमुकला आणि त्याच्याबरोबर घडलेल्या प्रसंगाची चर्चा रंगली आहे. हा एक चमत्कार असल्याचे अनेक जण म्हणत आहेत. तसेच मुलाच्या आईने मुलाचा जीव वाचवलेल्या व्यक्तीचे आभार मानले आहेत.