निवृत्ती बाबर

Mumbai News : मुंबईच्या माजी महापौर श्रद्धा जाधव आणि त्यांचे चिरंजीव युवासेना कार्यकारणी सदस्य पवन जाधव यांना शिंदे गटात येण्याची खुली ऑफर मिळाली आहे. मात्र पवन जाधव यांनी पत्रक जारी करत शिंदे गटात जाणार नसल्याचे स्पष्ट केले आहे.

पवन जाधव यांनी म्हटलं की, काहीही आमिष दाखवलं तरी शेवटच्या श्वासापर्यंत ठाकरे परिवार आणि माझे मित्र आदित्य ठाकरेंची साथ कधीच सोडणार नाही. शिंदे साहेब आणि त्यांच्या सगळ्या इमानी कट्टर सैनिकांना विनंती आहे की माझा आणि माझ्या परिवाराचं शिंदे गटात प्रवेश करायचं स्वप्न सोडून द्या. (Latest Marath News)

शेवटच्या श्वासापर्यंत ठाकरे परिवार आणि माझे जिवलग मित्र आदित्यजी ठाकरेंची साथ कधीच सोडणार नाही. काहीही अमिशं दाखवली तरी, असं पवन जाधव यांनी म्हटलं आहे. (Political News)

हिंदूहृदयसम्राट वंदनीय शिवसेनाप्रमुख बाळासाहेब आणि माझे आजोबा स्वर्गीय मुकुंद अण्णा जाधव यांच्या ऋणानुबंधापुढे कसलाचं विचार करता येणार नाही. आम्ही कायम एकनिष्ठ, असं पवन जाधव यांनी म्हटलं आहे.

आदित्य ठाकरे यांचे निकटवर्ती मानले जातात. पवन जाधव यांनी कुटुंबियांसोबत शिंदे गटात प्रवेश करावा अशी ऑफर शिंदे गटाकडून आली असल्याची माहिती आहे. श्रद्धा जाधव यांच्या जाचाला कंटाळून माजी नगरसेवक अमेय घोले यांनी शिंदे गटात प्रवेश केला होता.