मुंबईतील वांद्रे-वरळी सी लिंकवर गुरुवारी रात्री १० वाजेच्या सुमारास भीषण अपघात झाला. भरधाव वेगात असणाऱ्या कारने सी लिंकवरील टोलनाक्यावर उभ्या असलेल्या ६ ते ७ वाहनांना जोरदार धडक दिली. ही धडक इतकी भीषण होती, की यामध्ये ३ जणांचा जागीच मृत्यू झाला. तर ५ ते ६ जण गंभीर जखमी झाले. जखमींपैकी दोघांची प्रकृती चिंताजनक आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
याप्रकरणी पोलिसांनी (Police) आरोपी कारचालकाविरोधात सदोष मनुष्यवधाचा गुन्हा दाखल केला आहे. मोहम्मद सरफराज शेख (वय ४३) असं गुन्हा दाखल झालेल्या आरोपीचं नाव आहे. पोलिसांनी दिलेल्या माहितीनुसार, आरोपी सरफराज हा वांद्रे-वरळी सी लिंकवरून सुसाट गाडी चालवत होता.
यादरम्यान त्याने एका मर्सिडिज कारला पाठीमागून धडक दिली. अपघातानंतर (Accident) आरोपीने घटनास्थळावरून पळ काढत गाडी दामटली. दरम्यान, आरोपीने वरळी सी लिंक टोलनाक्यावर उभ्या असलेल्या वाहनांना जोरदार धडक दिली. या अपघातात दोन महिलांसह एका पुरुषाचा जागीच मृत्यू झाला.
खातीजा सुलेमान हाटिया, हवागोरी हनीफ पीर आणि मोहम्मद हनीफ आदम पीर अशी अपघातात मृत्युमुखी पडलेल्या व्यक्तींची नावे आहेत. याशिवाय ५ ते ५ जण गंभीर जखमी झाले. जखमींवर रुग्णालयात उपचार सुरू असून यातील दोघांची प्रकृती चिंताजनक आहे.
या भीषण अपघातात आरोपी कारचालक सरफराज देखील जखमी झाला आहे. त्याच्यावर रुग्णालयात उपचार सुरू आहे. या अपघाताप्रकरणी मुंबई पोलिसांनी कारवाई करत आरोपीविरोधात सदोष मनुष्यवधाचा गुन्हा दाखल केला आहे. आरोपीला रुग्णालयातून डिचार्ज मिळताच अटक केली जाईल, असं पोलिसांनी सांगितलं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.