Mumbai News : मृत्यू कुणाला कुठे गाठेल याचं काही सांगू शकत नाही. अशीच एक घटना मुंबईतून समोर आली आहे. एका इमारतीच्या बांधकाम साईटवरुन जात असताना डोक्यात प्लास्टिकच ट्रे कोसळून ६३ वर्षीय महिलेचा मृत्यू झाल्याची घटना समोर आली आहे.

इरेन रॉड्रिग्स असे मृत महिलेचे नाव असून , त्या माहीम पश्चिम येथील कापड बाजार येथे राहत होती. त्या सिटी लाइट सिनेमाजवळील बाजारात मासे आणि भाजी घेण्यासाठी गेल्या होत्या.   (Latest Marathi News)

मिळालेल्या माहितीनुसार, शुक्रवारी दुपारी २.१५ च्या सुमारास श्रद्धा कन्स्ट्रक्शनच्या नवीन उंच इमारतीचे बांधकाम सुरू असताना आठव्या मजल्यावरुन प्लॅस्टिकचा ट्रे खाली पडला. त्यावेळी रस्त्यावरुन जात असलेल्या इरेन यांच्या डोक्यात तो प्लास्टिक ट्रे पडला. या अपघातात त्या गंभीर जखमी झाल्या होत्या. (Crime News)

त्यावेळी, एका व्यक्तीने त्यांच्या बहिणीला फोन करुन अपघाताची माहिती दिली. इरेन यांना तातडीने सायन रुग्णालयात नेले असता डॉक्टरांनी त्यांना मृत घोषित केले. याप्रकरणी माहीम पोलीस ठाण्यात एफआयआर दाखल करण्यात आला आहे.