अजय दुधाणे

अंबरनाथ : अंबरनाथमध्ये (Ambarnath) महिलेचा कुजलेल्या अवस्थेत मृतदेह आढळून आल्याची धक्कादायक घटना समोर आली आहे. अंबरनाथ शिवाजीनगर पोलिस ठाण्याच्या (Shivajinagar Police Thane) हद्दीतील गायकवाड पाडा (Gaikwad Pada) परिसरात एका बंद घरात कुजलेल्या अवस्थेत मृतदेह आढळून आला आहे. या महिलेची हत्या झाल्याचा संशय पोलिसांनी व्यक्त केला आहे.

हे देखील पहा-

मिळालेल्या माहितीनुसार, भागुबाई चाळीत काही दिवसांपूर्वी मृत महिला आणि एक व्यक्ती भाडेतत्त्वावर खोली घेऊन राहत होते. मात्र हे घर बंद होते शिवाय त्यातून दुर्गंधी येत असल्याने नागरिक हैराण झाले होते. दरम्यान घरमालकाने नागरिकांच्या मदतीने टाळा तोडून खोलून पाहिले असता, या महिलेचा कुजलेल्या अवस्थेत मृतदेह आढळून आला. त्याने तात्काळ याची माहिती शिवाजीनगर पोलिस ठाण्यात दिली. पोलिसांनी घटनास्थळाची पाहणी करत मृतदेह ताब्यात घेतला आहे. या महिलेचा पती हा या घटनेनंतर फरार झाला असून ही हत्या असल्याचा संशय पोलिसांनी व्यक्त केला आहे.

दरम्यान सहाय्यक पोलीस आयुक्त विनायक नराळे पोलीस निरीक्षक मधुकर भोगे यांनी घटनास्थळाची पाहणी केली असून या प्रकरणाचा तपास करण्यासाठी पोलीसांनी एक पथक तयार केले आहे. पोलीसांना ही हत्या असल्याचा संशय व्यक्त केला आहे. मृत महिलेचा मृतदेह शवविच्छेदनासाठी मुंबईतील जे.जे रुग्णालयात पाठविण्यात आला आहे

Edited By- Anuradha