मुंबई - राष्ट्रवादीचे नेते आणि गृहनिर्माण मंत्री जितेंद्र आव्हाड (Jitendra Awhad) यांच्या बंगल्याबाहेर एका महिलेने आत्महत्या करण्याचा प्रयत्न केल्याची धक्कादायक घटना घडली आहे. मंत्रालयासमोर राष्ट्रवादीचे नेते आणि गृहनिर्माण मंत्री जितेंद्र आव्हाड यांचा शिवगड बंगला आहे याठिकाणी ही घटना घडली असल्याची माहिती समोर आली आहे. (Jitendra Awhad News)

हे देखील पाहा -

महिला आव्हाड यांच्या शिवगड बंगल्यासमोर आली व तिने अंगावर पेट्रोल ओतून स्वतःला पेटवून घेण्याचा प्रयत्न केला. त्यापूर्वीच सतर्क पोलिसांनी तिला रोखले. त्यामुळे मोठा अनर्थ टळला आहे. या प्रकरणी आत्महत्येचा प्रयत्न करणाऱ्या महिलेला मरिन ड्राईव्ह पोलिसांनी ताब्यात घटले आहे.

ही महिला बीडीडी चाळमधील रहिवासी असल्याची मााहिती समोर आली आहे. या महिलेला मरीन लाईन्स पोलिसांनी ताब्यात घेतले आहे. तिने हे कृत्य का केले याचा तपास पोलीस करत आहे.

Edited By - Shivani Tichkule