Ajit Pawar News Today: राज्याचे विरोधीपक्षनेते अजित पवार आज सायंकाळी पुण्याच्या खेड तालुक्यात एका कार्यक्रमासाठी येणार आहे. मात्र, या कार्यक्रमाला गौतमी पाटील येत असल्याने अजित पवार या कार्यक्रमाला हजेरी लावणार का..? या कडे आता सर्वांचे लक्ष लागलेले आहे.  (Latest Marathi News)

गेल्या काही दिवसांपूर्वी अजित पवारांनी गौतमीला तिच्या कार्यक्रमाबाबत सल्ला देत खडसावले होते. मात्र, दरम्यानच्या काळात बारामतीत गौतमीचा कार्यक्रम ठेवायचा का असं म्हणतच अजित पवारांनाही गौतमीच्या कार्यक्रमाचे आकर्षण झाल्याची चर्चा सुरु होती. (Pune News)

त्यातच आता खेडचे आमदार दिलीप मोहितेपाटील यांच्या वाढदिवसानिमित्ताने राजगुरुनगर येथे महाराष्ट्राचा हास्य जल्लोष या कँमिडी शोचे आयोजन करण्यात आले आहे. तर मोई येथे गौतमी पाटीलच्या कार्यक्रमाची वेळ देखील एकच आहे.

अजित पवार (Ajit Pawar) राजगुरुनगर येथील हास्यजल्लोष या कार्यक्रमाला येणार असल्याचे आयोजकांकडुन जाहिर करण्यात आलं. दरम्यान दुसरीकडे मोई या गावात होणाऱ्या गौतमी पाटीलच्या कार्यक्रमाला अजित पवारांनी यावं यासाठी कार्यकर्ते आग्रही आहेत. त्यामुळे आज अजित पवार हे गौतमी पाटीलच्या कार्यक्रमाला हजेरी लावणार का? अशा उलटसुलट चर्चा खेड तालुक्यात सुरु झाल्यात.

गौतमीच्या आडनावावरून वाद

गौतमी तिच्या नृत्याने नेहमीच चर्चेत असते.अशात आता सातत्याने वादाच्या विळख्यात असलेली गौतमी पुन्हा एकदा नव्या वादात सापडली आहे. ज्या गौतमी पाटीलची हवा तरुणाईमध्ये आहे, त्या गौतमीचे खरे आडनाव पाटील नाही, असा दावा करण्यात आला आहे. गौतमीचे खरे आडनाव पाटील नसून, चाबुकस्वार असल्याचं सांगण्यात आलं आहे. त्यामुळे तिने पाटील हे आडनाव वापरू नये. पाटील आडनाव वापरून तिने पाटलांची बदनामी केली. गौतमीने पाटील हे आडनाव वापरुनये अन्यथा तिचे कार्यक्रम राज्यात चालू देणार नाही, असा इशारा राजेंद्र पाटील यांनी दिला आहे.