मुंबई: पतीसोबत अनैतिक संबंध असल्याच्या संशयावरून अनेक महिला आपल्या पतीला त्याचा जाब विचारतात, प्रसंगी दोघांमध्ये टोकाचे वाद देखील होतात. मात्र, आपल्या पतीचे अनैतिक संबंध असल्याच्या संशयावरुन एका पत्नीने संशयीत महिलेच्या डोक्यात फर्शी घातल्याची धक्कादायक घटना समोर आली आहे. (Immoral relationship with husband)

या प्रकरणी कांजूरमार्ग पोलिसांनी (Police) ४६ वर्षीय महिलेसह हिच्यासह तिचा पती कपिल कोरी दोघांवर गुन्हे दाखल करत अटक केली आहे. मिळालेल्या माहितीनुसार, कपिल याचे त्याच्या घरासमोर राहणाऱ्या एका महिलेशी अनैतिक संबध असल्याचा संशय त्याच्या पत्नीला होता. (Breaking Marathi News)

याच संशयातून शुक्रवारी आरोपी महिला व जखमी महिलेमध्ये वाद झाला. या वादात राग अनावर झालेल्या कपिलच्या पत्नीने समोरील महिलेच्या डोक्यात फर्शी टाकली. ऐवढचं नाही तर तिच्या दिशेने झाडाची कुंडीही भिरकावली या मारहाणीत पीडित महिलेला गंभीर दुखापत झाली तिला उपचारासाठी गोदरेज रुग्णालयात दाखल केले असून कांजूरमार्ग पोलिस (Kanjurmarg Police) अधिक तपास करत आहे.