मुंबई : हजारो कोटींचा घोटाळा करणाऱ्या प्रवीण दरेकरांची चौकशी का झाली नाही? असा सवाल मुंबई काँग्रेस अध्यक्ष भाई जगताप यांनी केला आहे. ईडी व्यक्तींना पाहून टार्गेट करत आहे. ईडी म्हणजे येडा झाली आहे,' अशी टीकाही त्यांनी यावेळी केली.

2 हजार कोटींचा भ्रष्टाचार करण्याऱ्या प्रवीण दरेकरांवर कोणी बोलत नाही. जे पुरावे मिळाले त्याच्या मुळाशी जावं मात्र विरोधकांनी त्यांच्या पक्षातील नेत्यांकडेही पाहावं. देवेंद्र फडणवीस (Devendra Fadnavis) यांच्या पक्षातीलही अनेक मंत्री भ्रष्टाचारी आहेत, त्यांच्यावर गुन्हे का नाही दाखल होत नाहीत असंही ते म्हणाले.

प्रवीण दरेकर (Pravin Darekar) यांच्या विरोधात कागदपत्रे आम्ही दाखल केली तरीही अजून कारवाई होत नाही. एकदा सभागृहात विनोद तावडे यांनी दरेकरांवर आरोप केले मात्र आता त्या आरोपांचं काय झालं? कुठे गेले ते आरोप, हा माझा सवाल आहे असही जगताप म्हणाले.

दरम्यान, सुजय विखे पाटील (Sujay Vikhe-Patil) यांना महाविकास आघाडीवर केलेल्या वक्तव्यावरती कोण सुजय विखे पाटील? माझ्या आयुष्याची 40 वर्ष मी काढली, हे कोण आहेत नक्की पाटील? छोट्याश्या हळदीने पिवळं होणारे हे आहेत असा टोला त्यांनी सुजय विखे पाटलांना लगावला.

Edited By - Jagdish Patil