पुणे : केवळ ५० लोकांच्या उपस्थितीत 'शब्दांची रोजनिशी' या नाटकाच्या खासगी प्रयोगाला अतुल पेठे यांनी मागितलेली परवानगी मुंबईच्या गोरेगाव पोलिसांनी नाकारल्याचा प्रकार समोर आला आहे. सांस्कृतिक कार्यक्रमांना परवानगी नाही, असं कारण पोलिसांनी परवानगी नाकारताना दिलं आहे. (Why rules-based Dramas are not allowed)

हे देखील पहा -

राज्य सरकारच्या आताच्या नियमावलीनुसार सांस्कृतिक कार्यक्रम आणि नाटकांना परवानगी नाही याचाच आधार घेत पोलिसांनी परवानगी नाकारली आहे. एकीकडे राजकीय मेळावे, जनयात्रा सुरु असून त्यात नियमदेखील पाळले जात नाहीत, तर दुसरीकडे नियम पाळून आम्ही खासगी प्रयोगासाठी परवानगी मागत असताना ती का दिली जात नाही? असा सवाल अतुल पेठे यांनी उपस्थित केला आहे.

कोरोना काळ सुरु झाल्यापासून नाटक क्षेत्रातील अनेक नामवंत कलाकारांनी शासन दरबारी आपली खंत व्यक्त केली आहे आम्हाला नियमावली पाळून थिअटर सुरु करायला परवानगी द्या कारण नाटक क्षेत्रावरती अवलंबून असणारी अनेकजण सध्या आर्थिक संकटाना तोंड देत आहेत. मात्र त्यांना हवी त्यावेळी परवानगी आणि त्यांच्या इच्छेनुसार मिळाली नाहीच. अशातच आता नाटक कलाकार संतप्त झाले आहेत एकिकडे राजकारण्यांच्या सभा त्यांचे मेळावे चालतात मात्र नियम पाळून ही आम्हाला परवानगी मिळत नाही हा भेदभाव का असा प्रश्न देखील हि कलाकार मंडळी उपस्थित करत आहेत.

Edited By - Jagdish Patil