मुंबई - विद्यार्थ्याकडून केईएम कॉलेज आणि हॉस्टल मध्ये रैगिंग झाल्याने मानसिक तनावा खाली असलेल्या विद्यार्थ्याला तात्काळ न्याय मिळावा आणि संबंधित दोषीवर एट्रोसिटी एक्ट नुसार कारवाई व्हावी अशी मागणी आता होऊ लागली आहे. केईएम रुग्णालयात ऑक्युपेशनल वैद्यकीय शिक्षण घेत असलेल्या सुगत पडघन या विद्यार्थ्यांची इतर विद्यार्थ्यांकडून रॅगिंग सुरू होती. जातिवाचक शिविगाळ करणे,अपशब्द वापरणे आदी प्रकार सुरु होते त्यासंदर्भात या विद्यार्थ्याने कॉलेज अधिष्ठाता, शिक्षक, अधिक्षक, विभागप्रमुख, वार्डन, विद्यार्थी चिटणीस यांना पत्र,ईमेल करीत तक्रार दिली होती.

हे देखील पहा -

त्यावर काही कारवाई झाली नाही. उलट मला कॉलेज मधुन काढून टाकू असं धमकावल्याचा आरोप या विद्यार्थ्याने केला आहे. या प्रकरणामुळे कम्युनिस्ट पक्ष अधिक आक्रमक झाला असून, अधिकारी आणि रॅगिंग करणाऱ्या विद्यार्थ्यांवर कारवाहीची मागणी केली जात आहे. मागणी मान्य न झाल्यास तीव्र आंदोलनाचा इशारा यावेळी देण्यात आला आहे.

Edited By - Shivani Tichkule