मुंबई: राज्याचे अल्पसंख्यांक मंत्री तथा राष्ट्रवादी कॉंग्रेसचे नेते नवाब मलिक (Nawab Malik NCP) हे सध्या देशभर चर्चेत आहेत. त्यांचं कारण म्हणजे त्यांनी एनसीबी अधिकारी समीर वानखेडे (Sameer Wankhede NCB) आणि भाजप यांच्यावर केलेले गंभीर आरोप. अनेक पत्रकार परिषदा घेऊन नवाब मलिकांनी विरोधकांना चांगलंच धारेवर धरलंय. १ नोव्हेंबरच्या पत्रकार परिषदेत तर त्यांनी राज्याचे विरोधी पक्षनेते तथा माजी मुख्यमंत्री देवेंद्र फडणवीसांवर (Devendra Fadanvis BJP) गंभीर आरोप केले होते. विरोधकांच्या विरोधात उघडलेल्या या मोहिमेचा पुढचा भाग म्हणून आता ते रविवारी आणखीन एक खुलासा करणार आहेत. हॉटेल 'The Lalit' मध्ये काय गुपितं दडलीयं? याबाबत नबाब मलिक रविवारी सांगणार आहेत. (What's the secret in Hotel The Lalit? Nawab Malik will tell on Sunday)

हे देखील पहा -

नवाब मलिकांनी आज एक सुचक ट्विट (Nawab Malik's Tweet) केलंय. त्यात त्यांनी सर्वप्रथम दिवाळीच्या शुभेच्छा दिल्या आणि नंतर "हॉटेल द ललितमध्ये खूप सारी गुपितं दडली आहेत, रविवारी भेटुयात" असं ट्विट त्यांनी केलं आहे. Hotel The Lalit हे मुंबईतील एक महागडं असं पंचतारांकित हॉटेल असून अनेक सेलिब्रिटी आणि राजकीय नेतेही याठिकाणी येत असतात. त्यामुळे नवाब मलिक या हॉटेलातलं कोणतं गुपित बाहेर आणतात हे पाहणं औत्सुक्याचं ठरणार आहे.

Edited By - Akshay Baisane