मुंबई उपनगरीय प्रवाशांसाठी आनंदाची बातमी. प्रवाशांच्या सोयीसाठी पश्चिम रेल्वेनं विरार ते डहाणू दरम्यान, पहिल्यांदाच १५ डब्यांची लोकल ट्रेन सुरू करण्याची योजना आखली आहे. या मार्गावरील वाढती लोकसंख्या लक्षात घेता हा महत्त्वाचा निर्णय घेण्यात आला आहे. ऑपरेटिंग विभागाने बोर्डाला पत्र पाठवले आहे. पत्र मंजूर होताच विरार डहाणू दरम्यान १५ डब्यांची लोकल धावेल.

मिळालेल्या माहितीनुसार, एक्स्प्रेस गाड्यांसाठी १ जानवारी २०२६ पासून नवीन वेळापत्रक लागू केला जाईल. तर, उपनगरीय गाड्यांसाठी मार्च किंवा एप्रिलपासून लागू केले जाईल. नवीन वेळापत्रकात चर्चगेट ते विरार दरम्यान १० ते १२ सर्विसची योजना आखण्यात आली आहे. मिळालेल्या माहितीनुसार, पश्चिम रेल्वेला जानेवारी २०२६ पर्यंत एक नवीन एसी रेक मिळू शके. एका एसी रेकची भर पडल्यानं एसी सेवांची संख्या १० ने वाढेल.

याचा थेट फायदा उपनगरीय भागातील रहिवाशांना आणि प्रवाशांना होईल. यामुळे लोकलमधील गर्दी देखील कमी होईल.

मेट्रो - ३ प्रवाशांसाठी आनंदाची बातमी

मेट्रो प्रवाशांसाठी एक आनंदाची बातमी समोर येत आहे. मुंबई मेट्रो रेल कॉर्पोरेशनने पहिल्यांदाच मेट्रो कनेक्ट ३ प्रवाशांसाठी सवलतीचे मासिक पास सादर केले आहे. यामुळे दैनंदिन प्रवाशांचा खर्च कमी होईल. कामावर ये-जा करण्यासाठी, तसेच मेट्रोवर अवलंबून असलेल्यांसाठी ही ऑफर फायदेशीर ठरेल. या उपक्रमामुळे मोठ्या संख्येनं प्रवाशांना आर्थिक दिलासा मिळेल.