वैष्णवी हगवणे हत्या प्रकरणात नवीन अपडेट समोर आली आहे. वैष्णवीचा छळ करून तिला हालहाल करून मारलं. तिनं आत्महत्या केल्यानंतर तिचा सासरा आणि दीर अटकेच्या भीतीने फरार झाले होते. वैष्णवीच्या आत्महत्येने संपूर्ण महाराष्ट्राला मोठा धक्का बसला. वैष्णवी प्रकरणामुळे एकीकडे संपूर्ण महाराष्ट्र हळहळ व्यक्त करत असताना राजेंद्र हगवणे आणि त्याचा मुलगा सुशिल हगवणे हॉटेलमध्ये बसून मटण पार्टी करत होता. त्याचा सीसीटीव्ही व्हिडीओ समोर आला असून तो व्हायरल होत आहे.

निर्लज्जपणाचा कळस म्हणजे वैष्णवीच्या मृत्यूवर संपूर्ण महाराष्ट्र हळहळ व्यक्त केली जात होती. तर दुसरीकडे तिचा फरार झालेला सासरा आणि दीर हॉटेलमध्ये मटण पार्टी करत होते. राजेंद्र हगवणे आपल्या मित्रांसोबत मटणावर ताव मारत होता याचे सीसीटीव्ही व्हिडीओ समोर आले आहेत. १७ मे रोजी या आरोपींनी तळेगाव येथील एका हॉटेलमध्ये जेवण केले. तळेगाव दाभाडे येथील तांबडा पांढरा रस्सा हॉटेलमध्ये ते मटणावर ताव मारत असल्याची माहिती समोर आली आहे.

वैष्णवी हगवणे आत्महत्या प्रकरणी फरार असलेला तिचा सासरा राजेंद्र हगवणे आणि दीर सुशिल हगवणे या दोन्ही आरोपींना अटक करण्यात पोलिसांना यश आले आहे. या दोघांना आज पहाटे अटक करण्यात आली. पिंपरी-चिंचवड शहर पोलिसांनी स्वारगेट परिसरातून त्यांना अटक केली. गेल्या सात दिवसांपासून हे आरोपी फरार झाले होते. फरार असताना हे आरोपी सतत आपले ठिकाण बदलत होते. त्यांना अटक करण्यासाठी पोलिस त्यांच्या मागावर होते.