अभिजीत देशमुख
जालन्यातील लाठीमार प्रकरणावरून राज्यातील राजकीय वातावरण चांगलंच तापलं आहे. या प्रकरणावरून सत्ताधारी आणि विरोधकांमध्ये आरोप-प्रत्यारोप सुरू आहेत. विरोधकांच्या टीकेवर केंद्रीय मंत्री कपिल पाटील यांनी भाष्य केलं आहे.
केंद्रीय पंचायतराज राज्यमंत्री म्हणाले, 'जालन्यात घडलेला प्रकार अतिशय दुर्दैवी आहे. त्याचे राजकारण कोणीही करू नये. जे लोक कधीही मराठा समाजाला आरक्षण मिळाले पाहिजे असे कधीही बोलले नाहीत. असे लोक तिकडे जायला लागले आहेत'.
'मराठा समाजाबाबत भारतीय जनता पक्षाच्या अतिशय सकारात्मक भावना आहेत. भाजप आंदोलकांच्या पाठीशी आहे. भारतीय जनता पक्षाने कधीही मराठा आरक्षणाला कधीच विरोध केला नाही'.
'आतापर्यंत मराठा मुख्यमंत्री झाले, त्यांना जे जमलं नाही ते देवेंद्र फडणवीस यांनी करून दाखवल होतं. त्यामुळे मराठा समाजाच्या आरक्षणाबाबत भाजपने केलेले भरीव काम जनतेच्या समोर आहे. भारतीय जनता पक्ष त्याला कधीही विरोध करणार नाही, असे ते म्हणाले .
'मराठा समाजातील गरीब लोकांना आरक्षण मिळाले पाहिजेत. ही भावना सगळ्यांची होती. मराठा समाजाला तत्कालीन मुख्यमंत्री देवेंद्र फडणवीस विद्यमान उपमुख्यमंत्री यांनी आरक्षण दिले आणि टिकवले. मात्र दुर्दैवाने ते कोर्टाने रद्द केले, असे ते पुढे म्हणाले.
'मराठा आरक्षणासाठी मुख्यमंत्री एकनाथ शिंदे , उपमुख्यमंत्री देवेंद्र फडणवीस आणि अजित पवार यांच्या नेतृत्वाखाली महाराष्ट्र सरकार प्रयत्नशील आहे, हे निश्चितपणे यात काही तरी मार्ग काढतील, असेही केंद्रीय मंत्री म्हणाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.