मुंबई : मुंबई मधील बीकेसी परिसरात शुक्रवारी पहाटेच्या सुमारास उड्डाणपूल कोसळल्याची दुर्घटना घडली आहे. हा पूल निर्माणाधीन होता. उड्डाणपूलाचे काम सुरु असल्याने नेहमीप्रमाणे काही मजूर पूलावर होते. मात्र, पहाटे ४ वाजेच्या सुमारास अचानक हा पूल पडायला सुरुवात झाली. हा अपघात झाला, तेव्हा पूलावर कमीत- कमी २० ते २५ मजूर काम करत होते. यावेळी या पूलाचा एक गर्डर खाली पडण्यास सुरुवात झाली.

हे देखील पहा-

पूल पडायला सुरुवात झाल्यावर काही मजूरांना त्याचा अंदाज आला. त्यामुळे या मजूरांनी पूलावरुन वेळीच पळ काढला सुरवात केली. मात्र, १० ते १३ मजूर हे पूलासोबतच खाली कोसळले आहेत. हे सर्वजण बाजूच्या नाल्यात पडल्याने जखमी झाले आहेत. या मजूरांच्या दुखापत ही कितपत गंभीर आहे. हे अद्याप आजून देखील कळू शकले नाही. या घटनेची माहिती मिळताच अग्निशमन दल आणि पोलीस घटनास्थळी दाखल झाले आहेत.

त्यांनी बचावकार्य करण्यास सुरु केले आहे. त्यांनी जखमींना नाल्यातून बाहेर काढून नजीकच्या रुग्णालयात दाखल करण्यात करण्यात येत आहे. तरी कोणीही पूलाच्या ढिगाऱ्याखाली अडकल्याची माहिती नाही. हा उड्डाणपूल कसा पडला, याचे कारणही अद्याप आजून देखील समजले नाही. मात्र, यावरुन आता परत एकदा मुंबई महानगरपालिकेतील सत्ताधारी आणि विरोधकांमध्ये चांगलच राजकारण रंगण्याची शक्यता आहे.

काही दिवसांअगोदर नवीन कोपरी पूल वापरण्याअगोदरच त्याला तडे लागल्याने वाद निर्माण झाला होता. पूर्व द्रुतगती महामार्गावर वाहतूक कोंडीतून नागरिकांची, प्रवाशांची मुक्तता करण्याकरिता कोपरी येथे नवीन पुल बांधण्याचे काम सुरू करण्यात आले होते. त्यापैकी २ लेनचे काम पूर्ण करण्यात आले आहे. परंतु, यापैकी एका मार्गिकेवर तडे गेल्याचे मनसेने निदर्शनास आणून दिले होते.

Edited By- Digambar Jadhav