Ulhasnagar:

उल्हासनगरमध्ये चोरांचा सुळसूळाट सुटला आहे. अनेक जण सर्रासपणे रस्त्यावर चोरी करतात. काल सकाळी देखील शहरात चोरीची एक घटना घडली. दोन तरुण दुचाकीवरून एका महिलेच्या दिशेने आले आणि गळ्यातील सोन्याची चैन चोरून फररा झाले. पोलीस या चोरट्यांचा शोध घेत आहेत. (Latest Marathi News)

पोलिसांनी दिलेल्या अधिक माहितीनुसार, महिला आपल्या मुलाला शाळेत सोडून पुन्हा घरच्या दिशेने निघाली होती. घरी जात असताना २ जण दुचाकीवरून आले आणि त्यांनी महिलेच्या गळ्यातील सोन्याची चैन जोरात खेचली. आपल्यासोबत अशी चोरी होईल अशी कोणतीही कल्पना या महिलेच्या मनात नव्हती. अचानक असे घडल्याने ती गोंधळून गेली. काय करावे काय करूनये काहीच महिलेला समजत नव्हते.

चोरीची थरारक घटना सीसीटीव्ही कॅमेऱ्यात कैद झाली आहे. उल्हासनगरमध्ये मध्यवर्ती पोलीस ठाण्याच्या हद्दीत ही घटना घडली आहे. उल्हासनगर,अंबरनाथ शहरात सातत्याने अशा घटना घडत आहेत. त्यामुळे पोलीस गस्त वाढविण्याची मागणी नागरिकांनकडून होत आहे.

जुन्या भांडणाच्या रागातून हत्येचा प्रयत्न

उल्हासगरमध्ये गुन्हेगारीच्या घटना वाढत चालल्या आहेत. काही दिवसांपूर्वीच किरकोळ वादातून तरुणाच्या हत्येचा प्रयत्न करण्यात आल्याची घटना घडली होती. कॅम्प चारमधील मराठा सेक्शन परिसरात राहणारा मृगण हा इडली विक्री व्यवसायाचे काम करून आपल्या कुटुंबाचा उदरनिर्वाह करत होता.

आपल्या दुकानावर काम करताना सात ते आठ जणांच्या टोळीने तलवार आणि रॉडच्या साह्याने तरुणावर जीवघेणा हल्ला केला होता. या हल्ल्यात मृगण गंभीर जखमी झालता.