Ulhasnagar Firing News Update: काही दिवसांपूर्वी उल्हासनगर मधील भाजपाचे पदाधिकारी नरेश रोहरा यांच्यावर कार्यालयाजवळ गोळीबार करण्यात आला होता. हिललाईन पोलिस हद्दीत झालेल्या या घटनेने परिसरात एकच खळबळ उडाली होती. या गोळीबार प्रकरणात आता महत्वाची अपडेट समोर आली असून या प्रकरणातील चार आरोपींना अटक करण्यात आली आहे. (Crime News In Marathi)

याबाबत अधिक माहिती अशी की, उल्हासनगरात (Ulhasnagar) भाजपाच्या पदाधिकारी नरेश रोहरांच्या कार्यालयावर गोळीबार केल्याप्रकरणी चार आरोपींना अटक करण्यात उल्हासनगर हिल लाईन पोलिसांना यश आले आहे. १० जुलै रोजी उल्हासनगर कॅम्प नं. ५ मधील प्रभाराम मंदिराजवळ भाजप पदाधिकारी नरेश रोहरायांच्या कार्यालयावर चार जणांनी गोळीबार केला होता.

तसेच त्यांनी रोहरा यांना जीवे ठार मारण्याची धमकीही दिली होती. या प्रकरणात तपास करत उल्हासनगर क्राईम (Ulhasnagar Crime Branch) ब्रांचने एका विधी विधीसंघर्षित आरोपीला याला ताब्यात घेऊन अटक करून दोन दिवसांपूर्वी हिल लाईन पोलिसांच्या ताब्यात दिले होते.

आज हिल लाईन पोलिसांनी गुजरात येथून उर्वरित तीन आरोपींना अटक केली आहे. दिलावर चव्हाण, मनोज गुप्ता, गणेश मेरुकर, अशी अटक केलेल्या आरोपींची नावे आहेत. या सर्वांना आज न्यायालयात हजर केले असता त्यांना तीन दिवसाची पोलीस कस्टडी सुनावण्यात आली आहे. याबाबतची सविस्तर माहिती सहाय्यक पोलीस आयुक्त सुरेश वराडे यांनी दिली. (Latest Marathi News)