अजय दुधाणे

उल्हासनगर: मंदिरातील पुजाऱ्याने स्वतःच्या हत्येचा बनाव करत स्वतःवरच हल्ला केल्याची घटना उल्हासनगरमध्ये (Ulhasnagar) घडली आहे. याबद्दल माहितीनुसार, हिललाईन पोलीस ठाण्याच्या हद्दीत कॅम्प नंबर ५ विठ्ठलनगर परिसरात वरून दिलीप लुल्ला याचे गणपतीचे मंदिर असून तो त्याठिकाणी पुजारी आहे.

शुक्रवारी रात्री वरून वर दोन अज्ञात हल्लेखोरांनी ब्लेडने वार केल्याने परिसरात एकच खळबळ उडाली होती. तात्काळ त्यांना उपचारासाठी क्रीटीकेअर रुग्णालयात हलविण्यात आले. माहिती मिळताच पोलिसांनी घटनास्थळी धाव घेऊन पंचनामा करत वरुणच्या तक्रारी वरून गुन्हा ही दाखल केला. (Ulhasnagar Crime News)

या गुन्हयात वरूनचा मित्र संदीप कसबे हा साक्षीदार ठरला. कारण वरून वर झालेले वार हे पोलिसांना संशयास्पद वाटत होते. पोलिसांनी साक्षीदार संदीप याला ताब्यात घेऊन चौकशी केली असता त्याने स्वतःने वार केल्याचे कबूल केले. त्यानंतर पोलिसांनी वरूनला चौकशीसाठी आज पोलीस ठाण्यात आणले आणि त्याची अधिक चौकशी केली.

हे देखील पहा-

चौकशीदरम्यान, त्याने स्वतःहून वार केल्याचे कबूल केले. काही दिवसांपासून वरूनच्या घरात कौटुंबिक वाद निर्माण झाले आहेत आणि तो अक्षरशः कंटाळून गेला असल्याने हा प्रकार केल्याचे पोलिसांना सांगितले. मात्र हल्लाचा बनाव रचण्याचा कारण अजूनही अस्पष्ट असून , आता प्रकरणी हिललाईन पोलिसांनी वरून लुल्ला याला अटक केली. त्याच्या विरोधात विविध कलम अंतर्गत गुन्हा दाखल करण्यात आला आहे. वरूनला उद्या न्यायालयात हजर केले जाणार असल्याची माहिती वरिष्ठ पोलीस निरीक्षक लक्ष्मण सारिपुत्र यांनी दिलीय.