Shivsena Melava Live: गोरेगावच्या नेस्को सभागृहामध्ये आज शिवसेनेच्या (Shivsena) वतीने गटप्रमुखांचा भव्य मेळावा आयोजीत करण्यात आला आहे. या मेळाव्यात बोलताना उद्धव ठाकरेंनी (Uddhav Thackeray) भाजपसह शिंदे गटावर हल्लाबोल केला. आजच्या भाषणामध्ये ठाकरे यांनी मुंबईला केंद्रस्थानी ठेवत भाषण केलं ते म्हणाले, देशाचं आर्थिक केंद्र त्यांच्या राज्यात पळवत आहेत.

राज्यातील नोकऱ्या चालल्या आहेत, वेदांता (Vedanta Foxconn) गेल्यानंतर खोटं बोलत आहेत. मात्र, यांना लाज वाटायला हवी, आपण कोणाची बाजू घेऊन कोणाशी भांडतोय, हा प्रकल्प कोणामुळे गेला हा वाद करत बसण्यापेक्षा आम्ही तुमच्यासोबत सोबत येतो. विरोधी आणि सत्ताधारी एकत्र राहून गेलेला प्रकल्प मागे आणुयात असं आवाहन देखील ठाकरे यांनी यावेळी केलं.

ते पुढे म्हणाले, एक एक उद्योग राज्यातून बाहेर निघून जात आहेत आणि मिंदे गट फक्त शेळ्यांसारखा शेपट्या घालून बसला आहे. आणि होय महाराजा करत गप्प बसला आहे अशी जहरी टीका ठाकरेंनी शिंदे गटावर केली.

तसंच आज देखील ते दिल्लीला गेले आहेत, दिल्लीत मुजरा आणि गल्लीत गोंधळ असा प्रकार सुरु आहे. कितीवेळा दिल्लीसमोर झुकले असतील, हिंमत असेल तर पंतप्रधाना सांगा प्रकल्प मागे द्यायला. एवढंच काय आता ऐकायला मिळालं की, केंद्र सरकार आणखी सुविधा देणार आहे. याचा अर्थ यांच हे सर्व आधिच ठरलं होतं, असा आरोप देखील ठाकरेंनी यावेळी केंद्र सरकारवर केला.

पाहा व्हिडीओ -

मुंबईकरांनी आजपर्यंत शिवसेनेवर विश्वास ठेवला आहे. शिवसेना म्हणजे विश्वास आहे, शिवेसेना म्हणजे एक आधार आहे. शिवसेना म्हटल्यानंतर विकास आहे. मुंबईवर जेवढ्या आपत्ती आल्या त्यावेळी धावत जाणारी फक्त शिवसेना आणि शिवसैनिकच आहे असंही ठाकरे म्हणाले.

Edited By - Jagdish Patil