अलीकडेच शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांची अँजिओप्लास्टी पार पडली होती. एकीकडे राज्यात विधानसभा निवडणूक जाहीर होत असताना दुरीकडे उद्धव ठाकरे यांच्यावर उपचार होते. मात्र आता विधानसभा निवडणुकीच्या पार्श्वभूमीवर उद्धव ठाकरे हे मैदनात उतरले आहेत. अँजिओप्लास्टी पार पडल्यानंतर उद्धव ठाकरे हे पहिल्यांदाच माध्यमांसमोर आले आहेत.

आज उद्धव ठाकरे यांच्या उपस्थितीत मातोश्री बंगल्यावर अजित पवार गटाचे दीपक आबा साळुंखे आणि सिंधुदुर्ग भाजपचे स्थानिक नेते राजन तेली यांनी ठाकरे गटात प्रवेश केला. यावेळी उद्धव ठाकरे यांना पाहून कार्यकर्त्यांमध्ये मोठा उत्साह निर्माण झाल्याचं चित्र होतं.

काय म्हणाले उद्धव ठाकरे?

यावेळी कार्यकर्त्यांना प्रोत्साहित करत उद्धव ठाकरे म्हणाले की, ''दसऱ्यानंतर पहिल्यांदा समोर आलो. मधल्याकळत हॉस्पिटल वारी केली. आनंदाची गोष्ट अशगी आहे की, त्यानंतर डॉक्टरवर म्हणाले होते आराम करा, मात्र आता आराम आता कार्याचा तरी किती? आधी यांना (महायुती सरकार ) घालवायचं आहे, त्याशिवाय आता आराम नाही.''

ठाकरे म्हणाले, ''आज कामाला सुरुवात केली आहे. मुहूर्त चांगला लागला आहे. आबांसारखा मजबूत गडी शिवसेनेत सामील होत आहे, शिवसेना मजबूत होत आहे. मशाल कशी पेटवायची आणि कोणाला चटके द्यायचे, हे ठरवायचे तुम्हाला,'' ते असे म्हणताच कार्यकर्त्यांमध्ये एकाच हशा पिकला आणि कार्यकर्ते उत्साही झाले.

उद्धव ठाकरे पुढे म्हणाले की, ''आजपासून संपूर्ण मतदारसंघात मशाल पेटवायची. बरेच खोकेवाले लोक आहेत. विजय नक्की आहे.. उमेदवारी अजून कोणाची जाहीर केली नाही, फक्त दीपक आबा यांच्या हाती मशाल दिली आहे. संगोल्याचा आमदार गद्दार झाला, पण तुम्ही माझ्यासोबत आहेत आणि शब्दाला जागाल.''