बदलापूर - बदलापूरच्या बॅरेज धरणात दोन तरुणांचा बुडून मृत्यू झाल्याची घटना घडली आहे. या दोन्ही तरुणांचा मृतदेह चोवीस तासानंतर अग्निशमन दलाच्या हाती लागले आहेत.विवारी संध्याकाळी बदलापुरच्या बॅरेज धरण परिसरात उल्हासनगर येथील मानेरे गावातील आठ तरुण पोहण्यासाठी आले होते, या तरुणांपैकी देवेंद्र यादव आणि रोहन वानखेडे (३४) या दोघांना पाण्याचा अंदाज न आल्याने ते बुडाले.

हे देखील पाहा -

बॅरेज धरणात दोन तरुण बुडाल्याची माहिती अग्निशमन दलाला मिळाली होती. त्यानुसार अग्निशमन दलाने तातडीने शोधमोहीम हाती घेतली. मात्र अंधार असल्याने रात्री शोध मोहीम थांबवण्यात आली होती.

त्यानंतर सोमवारी सकाळपासून ही शोध मोहीम पुन्हा एकदा सुरु करण्यात आली. त्यापैकी रोहनचा मृतदेह काल संध्याकाळी पावणेसहाच्या सुमारास हाती लागला, तर देवेंद्रचा मृतदेह रात्री आठ वाजण्याच्या सुमारास वालीवली येथील पुलाखाली आढळून आला. बॅरेज धरण परिसरात गेल्या आठ दिवसात तीन जणांचा बुडून मृत्यू झाला आहे.