मुंबई - शिवडी मतदारसंघाचे शिवसेनेचे (Shivsena) आमदार अजय चौधरी यांची फसवणूक करणाऱ्या दोघांना पोलिसांनी अटक केली आहे. या दोन्ही आरोपींनी चेकवर बनावट स्वाक्षरीकरून चौधरी यांच्या खात्यातून तब्बल ७८ लाख काढण्याचा प्रयत्न केला होता. चेकची सत्यता पडताळण्यासाठी बँक (Bank) अधिकाऱ्यांनी चौधरी यांना फोन केला असता. हा फसवणूकीचा प्रकार समोर आला आहे. सूकेतू दवे आणि जयेश चंद्रकांत शहा अशी या दोन आरोपींची नावे आहेत.

हे देखील पाहा -

यातील दवे हा गुजरातच्या अहमदाबादचा रहिवाशी असून शहा हा कांदिवलीचा राहणारा आहे चौधरी यांना आमदार म्हणून मिळणारे मासिक वेतन मुंबईच्या लालबाग बँकेत जमा होत होते. मात्र आरोपींनी चौधरीची बनावट स्वाक्षरी असलेला चेक अहमदाबादच्या नारनपुरा ब्रॅन्च मध्ये जमा केल्याने बँक अंधकाऱ्यांना संशय आला. या प्रकरणी काळाचौकी पोलिसांनी दोन्ही आरोपींना अटक केली असून या फसवणूकीत अन्य कोणाचा सहभाग आहे याचा तपस सुरु आहे.

Edited By - Shivani Tichkule