मुंबई - काल रात्री उशिरा महाड सत्र न्यायालयाने केंद्रीय मंत्री नारायण राणे Narayan Rane यांना अखेर जामीन मंजूर केला. मुख्यमंत्री उद्धव ठाकरे Uddhav Thackeray यांच्याबद्दल आक्षेपार्ह वक्तव्य केल्या प्रकरणी नारायण राणे यांना अटक करण्यात आली होती. त्यामुळे काल दिवसभर शिवसेनेने Shivsena नारायण राणे यांच्या या वक्तव्याविरोधात राज्यभर आंदोलने केली.

हे देखील पहा -

काही ठिकाणी बॅनरला काळं फासलं, प्रतिकात्मक पुतळण्याचे दहन केले तर काही जागी त्यांचे पोस्टर फाडून निषेध करण्यात आला. दरम्यान, मंगळवारी रात्री राणे यांना कोर्टात हजर केले असता महाड कोर्ट परिसरात मोठा पोलीस बंदोबस्त तैनात करण्यात आला होता. नारायण राणे यांना जामीन मंजूर झाल्यानंतर त्यांच्या समर्थक आणि कार्यकर्त्यांनी कोर्ट परिसरात जल्लोष केला.

दरम्यान, नाशिक आणि पुणे पोलीस नारायण राणे यांचा ताबा घेणार नाहीत असे देखील यावेळी पोलिसांकडून स्पष्ट करण्यात आले. नारायण राणे यांना कोर्टाकडून सर्शत जामीन मिळाल्यानंतर त्यांनी एक टि्वट केले आहे. त्यांनी आपल्या टि्वटमध्ये सत्यमेव जयते असे लिहिले आहे. कालच्या या संपूर्ण घटनाक्रमावर आज नारायण राणे काय बोलणार? भाजपा कशा पद्धतीने शिवसेनेला प्रत्युत्तर देणार? याकडे आता सर्व्यांचे लक्ष लागलेले आहे.