नालासोपारा : नालासोपारा (Nalasopara) परिसरात वाढते अंमली पदार्थाचे (Drugs) जाळे तोडण्यासाठी तुळींज पोलिसांनी पुढाकार घेत पोलिसांच्या जिल्ह्यातील पहिले नशामुक्ती मार्गदर्शन केंद्र सुरु करण्यात आले आहे. शहरातील तरुणांमधील वाढते व्यसनाचे (Addiction) प्रमाण पाहता नालासोपारा तुळींज पोलीस ठाण्याचे वरिष्ठ पोलीस निरीक्षक राजेंद्र कांबळे यांनी सामजिक हित जोपासण्यासाठी हे पाऊल उचलले आहे. याचा संपूर्ण खर्च तुळींज पोलिसांतर्फे केला जाणार आहे. (Tulinj police initiative to curb addiction)

हे देखील पहा-

नालासोपारा परिसरात मागील काही महिन्यात टाळेबंदीच्या काळात मोठ्या प्रमाणात तरुण वर्ग व्यसनाच्या आहारी जात असल्याचे आठळून आले होते. मोठ्या प्रमाणात लपूनछपून युवक नशापान करताना गस्तकरणाऱ्या पोलिसांना आढळून येत आहेत. यामुळे अंमली पदार्थाचे व्यापार करणारे सुद्धा शहरात फोफावत होते. यामुळे वरिष्ठ पोलीस निरीक्षक राजेंद्र कांबळे (Senior Police Inspector Rajendra Kamble)यांनी मुळावर घाव घालत व्यसन करणाऱ्या युवकांना मार्गावर आणल्यास या धंद्याला आळा घालता येयील. तसेच युवक सुद्धा चांगल्या मार्गाला लागतील असा आशावाद ठेवत त्यांनी तुळींज पोलीस ठाण्याच्या (Tulinj Police Station) लगत साई बाजार येथे जागा घेत हे केंद्र सुरु केले आहे.

Edited By - Jagdish Patil