उल्हासनगर - अंबरनाथमध्ये (Ambernath) एका ट्रकने कार आणि रिक्षाला धडक दिल्याची घटना घडली. हुतात्मा चौकाकडून स्वामी समर्थ चौकाकडे जाणाऱ्या रस्त्यावर जिजामाता जिमसमोर हा अपघात घडला. या अपघातात रिक्षेतला एक प्रवासी जखमी झाला. हुतात्मा चौकाकडून स्वामी समर्थ चौकाकडे जाणाऱ्या रस्त्यावर जिजामाता जिमसमोर कारचालक गणेश आवटे यांनी त्यांनी इको गाडी उभी केली होती. तर त्यांच्या कारच्या समोरच एका रिक्षाचालकाने त्याची रिक्षाही लावली होती.

हे देखील पाहा -

यावेळी हुतात्मा चौकाकडून आलेल्या एका आयशर ट्रकने इको कारला धडक दिली, त्यामुळं इको कार रिक्षेला आणि रिक्षा समोरच्या पथदिव्याच्या खांबाला जाऊन धडकली. या अपघातात रिक्षेत बसलेला अर्जुन पाटील हा प्रवासी जखमी झाला. तर कार आणि रिक्षा या दोन्ही वाहनांचं नुकसान झालं.

या अपघातानंतर आयशर ट्रकचा चालक ट्रक घेऊन तिथून पळून गेला. यावेळी कारचालक गणेश आवटे यांनी पाठलाग करून ट्रकच्या क्लिनरला पकडून आणलं, तर चालक मात्र पळून गेला. या घटनेप्रकरणी शिवाजीनगर पोलीस ठाण्यात कोणतीही नोंद करण्यात आली नसून ट्रक मालक आणि नुकसानग्रस्त वाहनचालक यांनी आपसात समझोता करून प्रकरण पोलीस ठाण्याबाहेरच मिटवल्याचं पोलिसांनी सांगितलं.