पुणे: उत्तर पुणे जिल्ह्यातील आदिवासी डोंगराळ भागातील नागरिकांना अत्याधुनिक तंत्रज्ञानातुन विकसीत असलेली रुग्णसेवा मिळावी यासाठी खेड तालुक्यातील डेहणे आणि पाईट प्राथमिक आरोग्य केंद्रात ग्रामीण आरोग्य केंद्र आणि ट्रामा युनिट सुरु करण्यासाठी पुणे जिल्हा परिषदने हातभार लावला आहे. यासाठी जिल्हा परिषद सदस्य अतुल देशमुख ,शरद बुट्टेपाटील यांनी शासकिय पातळीवर प्रयत्न केले आहेत. (Trauma unit at Dehne and Pite Primary Health Center in Khed taluka ...)

हे देखील पहा -

डोंगराळ आदिवासी भागातील नागरिकांना अतितातडीची आरोग्यसेवा मिळण्याकरिता मोठा संघर्ष करावा लागत होता. यावेळी आदिवासी भागातील जिल्हा परिषद अतुल देशमुख आणि शरद बुट्टेपाटील यांनी जिल्हा परिषदेच्या सर्वसाधारण सभेत याबाबत प्राथमिक आरोग्य केंद्राचे ग्रामीण रुग्णालयात रुपांतर करुन ट्रामा युनिट सुरु करण्याबाबत प्रस्ताव देण्यात आला होता, यावेळी ३१ मे २०२१ च्या सर्वसाधारण सभेत मंजुरी देण्यात आली आहे.

खेड तालुक्यातील डेहणे आणि पाईट येथील ट्रामा युनिट पुर्ण क्षमतेने सुरु झाल्यास पुढील काळात डोंगराळ आणि आदीवासी भागातील नागरिकांच्या आरोग्य समस्येचा प्रश्न मिटणार असल्याचा विश्वास जिल्हा परिषद सदस्य अतुल देशुमख, शरद बुट्टेपाटील यांनी व्यक्त केला आहे.

Edited By - Akshay Baisane