मुंबई: मुंबईच्या पर्यटनातील महत्वाचं ठिकाण असलेलं वीर जिजामाता भोसले उद्यानात (राणीबागेत, Rani Baug) आता पर्यटकांची गर्दी वाढू लागली आहे. परिणामी उद्यानाच्या महसूलातही (Revenue) वाढ झाली आहे. २०२० पासून २०२१ पर्यंत कोरोनामुळे राणी बाग पर्यटकांसाठी बंद ठेवण्यात आली होती, पुन्हा २०२२ मध्ये जानेवारी महिनाभर राणी बाग बंद ठेवण्यात आली होती. यानंतर कोरोना रुग्णसंख्येत घट झाल्यानंतर राणी बाग सर्वसामान्य पर्यटकांसाठी खुली करण्यात आली. (Tourist crowd increased in Ranibag, revenue also increased ...)

हे देखील पहा -

२०२१ नोव्हेंबर ते २०२२ मार्चच्या तिसऱ्या आठवड्यापर्यंत या ५ महिन्यात तब्बल ६ लाख ७७ हजारांहून अधिक पर्यटकांनी प्राणीसंग्रहायलयाला भेट दिली. त्यामुळे २ कोटी ६९ लाख ८६ हजार रुपयांहून अधिक महसूल पालिकेच्या तिजोरीत जमा झाला आहे. या पाच महिन्यात ५०% महसूल जमा झाला आहे. राणी बागेत सध्या दररोज सरासरी ६ ते ७ हजार पर्यटक येतायत. तर शनिवारी आणि रविवारी पर्यटकांची संख्या २१ हजारांपर्यंत असते.

Edited By - Akshay Baisane