सचिन गाड

Mumbai Crime News: मुंबईतून धक्कादायक प्रकार समोर आला आहे. मुंबईतील ताडदेव परिसरात ७० वर्षीय महिलेच्या हत्या झाल्याची धक्कादायक घटना घडली आहे. चोरीच्या उद्देशाने महिलेची हत्या केल्याची माहिती समोर आली आहे. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, मुंबईतील ताडदेव परिसरात ७० वर्षीय महिलेची चोरीच्या उद्देशाने हत्या झाल्याचा प्रकार उघडकीस आला आहे. दिवसाढवळ्या चोरट्यांनी महिलेची घरात शिरून हत्या केल्याची धक्कादायक प्रकार समोर आला आहे. सुरेखा मदन अग्रवाल असे मृत महिलेचे नाव आहे.

चोरट्यांकडून महिलेची हत्या

मुंबईतील ताडदेव परिसरात ७० वर्षीय सुरेखा मदन अग्रवाल यांच्या घरात तीन अनोळखी व्यक्ती शिरले. सकाळी घरात घुसलेल्या या दरोडेखोरांनी या वृद्ध जोडप्याचे हात पाय बांधले. त्यानंतर या दरोडोखोरांनी महिलेच्या अंगावरील दागिने चोरण्यासाठी त्यांचे तोंड बांधले. त्यानंतर दरोडोखोरांनी सोन्याचे दागिने चोरल्यानंतर घरातून पोबारा केला.

मात्र, दरोडेखोरांनी महिलेचं तोंड बांधल्याने गुदमुरून मृत्यू झाला आहे. चोरी उद्देशाने तीन अनोळखी व्यक्तींनी घरात घुसून चोरी केली आहे. अग्रवाल नावाचं कुटुंब एकटं राहत असल्यामुळे दरोडेखोरांनी गैरफायदा उचलला. या घटनेनंतर ताडेदव पोलीस घटनास्थळी दाखल झाले .

नेमकं काय घडलं?

अग्रवाल जोडपं मॉर्निंग वॉकसाठी घराबाहेर पडले होते. त्यावेळी चार ते पाच घरात घुसून मदन यांना घरात ढकलले. या चोरट्यांनी जोडप्याचे हात पाय दोरीने बांधले. त्यांनी त्यानंतर आरडाओरड सुरू केली. त्यानंतर दोघ्यांच्या तोंडात कापसाचा गोळा घातला. त्यानंतर चिकपट्टीने त्यांचं तोंड बंद केलं. त्यानंतर चोरट्यांनी दागिने आणि इतर मौल्यवान घेऊन लंपास झाले.

ताडदेव येथील युसुफ मंजिल या इमारतीत हा सगळा प्रकार घडला आहे. याप्रकरणी ताडदेव पोलिसांनी हत्येचा गुन्हा दाखल केला आहे. या प्रकरणाची ताडदेव पोलीस आणि गुन्हे शाखेने समांतर तपासाला सुरुवात केली आहे.