प्रदीप भणगे

डोंबिवली : धुळ्यातील (Dhule) आदिवासी भागातून विक्री होणारा गांजा खरेदी करून तो विकणाऱ्या टोळीचा डोंबिवलीतील मानपाडा पोलिसांनी (Police) पर्दाफाश केला आहे. या टोळीमधील डोंबिवलीत (Dombivali) राहणाऱ्या आनंद शंकर देवकर या आरोपी कडून 3 लाख 10 हजार 500 रुपयाचा माल जप्त केला आहे. विशेष म्हणजे हा इसम कॉलेजमधील विद्यार्थ्यांना आणि रिक्षा वाल्याना गांजा (Drugs) पुरवत होता. (Dombivali News In Marathi)

सापळा रचून अटक;

मानपाडा पोलिसांना एक इसम अंमली पदार्थ घेऊन येत असल्याची गुप्त माहिती पोलिसांना मिळाली होती. त्यानुसार हॉटेल शिवमच्या बाजूस पोलिसांनी सापळा रचल्यानंतर एक इसम मोकळ्या मैदानात दोन गोण्या घेऊन उभा असल्याचे आढळून आले. त्याला ताब्यात घेतले असता 20 किलो 300 ग्रॅम वजनाचा गांजा मिळून आला. (Drugs Suppliers Arrested In Dombivali)

हे देखील पहा-

आदिवासी भागातून गांजाची विक्री;

त्यानंतर तपास केल्यावर धुळे जिल्ह्यातील शिरपूर तालुक्यात आदिवासी भागातून गांजाची मोठ्या प्रमाणात विक्री होत असल्याचे निदर्शनास आले असून पोलिसांनी या प्रकरणी शिवमंदिर जवळ रामनगर रोड येथे राहणाऱ्या आनंद शंकर देवकर, शिरपूर येथे राहणारा रेहमल पावरा, संदीप पावरा , यांना अटक केली असून यातील मुख्य आरोपीचा शोध सुरू केला आहे. दरम्यान कल्याण-डोंबिवली परिसरात अनेक ठिकाणी चरस आणि गांजा राजरोस विकला जात आहे. त्यामुळे पोलिस याकडे लक्ष देतील का हे पाहावे लागेल. (Crime News)