डोंबिवली - शहरातील मानपाडा मुख्य रस्त्यावर असणाऱ्या शिवाजी उद्योग नगर पोलीस चौकी समोरील शिवम मेडिकल दुकानाचे शटर वाकवून चोरट्यांनी रोकड आणि सामानाची चोरी केली आहे. पोलिसांच्या नाकावर टिचून भर रस्त्यावर चोरी झाल्याने व्यापारी वर्गात खळबळ उडाली आहे. सदर घटना सीसीटीव्ही मध्ये कैद झाली आहे. Theft In Medical Shop In Front Of Police Station

हे देखील पहा -

डोंबिवली शहरातील दुधनाथ यादव यांच्या शिवम मेडिकलचे शटर उचकवून चोरट्यांनी सकाळी 5 च्या दरम्यान दुकानात प्रवेश केला. दुकानातील 15 हजाराची रोकड आणि कॉस्मेटिक सामानाची देखील चोरी केली. शहराच्या सदैव वर्दळ असणाऱ्या भागात चोरी करून चोरट्यांची हिंमत वाढविल्याचे दिसून येत आहे.

दुकानाच्या बाजूला 24 तास चालणारे ऑप्टिलाईफ हॉस्पिटल आहे. या भागात सदैव पेशंट ची येजा असते असे असतांना देखील चोरांनी केलेली हिम्मत चिंताजनक आहे. दुकानाच्या सी सी टी व्ही मध्ये चोराचा चेहरा दिसून येत असून रोकड आणि सामान पिशवी मध्ये भरतांनाचे फुटेज मिळाले आहे. पोलिसांकडे तक्रार दिली असून फुटेजच्या आधारे तपास सुरू करण्यात आला आहे.

Edited By : Krushnarav Sathe