- रश्मी पुराणिक

मुंबई - राज्याचे अर्थसंकल्पीय अधिवेशन २८ फेब्रुवारी ऐवजी आता पुढे ढकलले जाण्याची शक्यता वर्तवण्यात येत आहे. हे अर्थसंकल्पीय अधिवेशन (Convention) आता २८ फेब्रुवारी ऐवजी मार्चच्या पहिल्या आठवड्यात होण्याची शक्यता आहे. अधिवेशन कालावधी आणि कामकाज ठरवण्यासाठी संसदीय कामकाज सल्लागार समितीची बैठक आज होणार आहे. आज होणाऱ्या या बैठकीत यावर निर्णय घेण्यात येणार आहे. (Mumbai Latest News)

हे देखील पहा -

तसेच हे अधिवेशन नागपूर येथे घेण्याची घोषणा सरकारने मागील अधिवेशनात केली होती. मात्र अर्थसंकल्पीय अधिवेशनात राज्यपालांचे अभिभाषण होते. त्यासाठी नागपूरला संयुक्त सभागृह नसल्याने ते कुठे घ्यायचे ही अडचण विधिमंडळ समितीसमोर होती. तसेच इतर अडचणीमुळे हे अधिवेशन मुंबईत घेण्याची शिफारस विधिमंडळ समितीने केली आहे. याबाबत आजच्या कामकाज सल्लागार समितीच्या बैठकीत अंतिम निर्णय घेण्यात येणार आहे.

Edited By - Shivani Tichkule