पुणे : भरदिवसा शिरूर तालुक्यातील पिंपरखेड येथील महाराष्ट्र बँकेवर पिस्तुलाचा धाक दाखवून पावणे तीन कोटी रुपयांचा दरोडा टाकणाऱ्या आरोपींना पुणे ग्रामीण पोलिसांनी अटक केली असून स्थानिक गुन्हे शाखेने आरोपींकडून 2 कोटी 19 लाखाचे सोने व 18 लाखाची रोकड जप्त केली आहे.

डॉलर ऊर्फ प्रविण सिताराम ओव्हाळ, अंकुर महादेव पावळे, धोंडीबा महादु जाधव, आदिनाथ मच्छिद्र पठारे, विकास सुरेश गुंजाळ अशी अटक केलेल्या आरोपीची नावे आहेत.

हे देखील पहा :

21 ऑक्टोबर रोजी दुपारी पिंपरखेड येथील बँक ऑफ महाराष्ट्र वर दुपारी सव्वा एक वाजता सशस्त्र दरोडा पडला होता. 5 आरोपीनी कॅशियर, बँकेच्या कर्मचारी व ग्राहकांना हातातील पिस्तुलचा धाक दाखवून कॅशियर यास हाताने मारहाण करून जीवे मारण्याची धमकी दिली.

त्यानंतर त्यांनी बँकेतील ३२ लाख ५२ हजार ५६० रोख रक्कम, २ कोटी ४७ लाख २० हजार ३९० रुपये किंमतीचे ८२४ तोळे १३० मि.ग्रॅ. वजनाचे सोने, असे एकूण २ कोटी ७९ लाख ७२ हजार ९५० रुपये किंमतीचे सोन्या-चांदीचे दागिने व रोख रक्कम दरोडा टाकून चोरुन नेले होते. या दरोडेखोरांना शोधण्यासाठी पोलिसांची 10 पथके रवाना करण्यात आली होती. अशी माहिती पोलीस अधीक्षक अभिनव देशमुख यांनी पत्रकार परिषदेत दिली.

Edited By : Krushnarav Sathe