वसई: इमारतीच्या सातव्या मजल्यावरुन पडून एका साडेतीन वर्षांच्या चिमुकलीचा (Little Girl) दुर्देवी मृत्यू झाला आहे. ही दुर्देवी घटना मुंबईलगत्या वसईमधील (Vasai) असून जेव्हा हा अपघात झाला तेव्हा ही चिमुकली घरी एकटीच होती. घराच्या बाल्कनीतून या चिमुकलीचा तोल जाऊन तिचा जागीच मृत्यू झाला आहे. (Vasai Little Girl Accidental Death News)

हे देखील पाहा -

मिळालेल्या माहितीनुसार वसई पश्चिमेच्या अग्रवाल कॉम्प्लेक्समधील रेजन्सी विला या इमारतीच्या सातव्या मजल्यावरुन खाली पडून साडेतीन वर्षांच्या चिमुकलीचा दुर्दैवी मृत्यू झाला आहे. श्रेया महाजन असं या मयत झालेल्या चिमुकलीचे नाव आहे. काल, शुक्रवारी सकाळी सात वाजण्याच्या सुमारास श्रेयाची आई तिच्या बहिणीला शाळेत सोडण्यासाठी गेली असताना श्रेया घरात एकटीच होती. मोबाईलवर खेळता खेळता ती बाल्कनीमध्ये आली होती.

बाल्कनीमध्ये आली असताना यावेळी तिच्या हातातील मोबाईल खाली पडला. तो मोबाईल परत मिळवण्यासाठी ती मोबाईलच्या नादात ग्रीलवर चढली. मात्र याच दरम्यान या चिमुकलीचा तोल गेल्याने ती बाल्कनीतून खाली पडल्याने तिचा दुर्दैवी मृत्यू झाला आहे. माणिकपूर पोलीस ठाण्यात या घटनेची नोंद करण्यात आली आहे.

Edited By - Akshay Baisane